Uchrashuvdan so'ng tashkil etilgan matbuot anjumanida "So'g'diyona" klubi bosh murabbiyi Ulug'bek Baqoev va uchrashning eng yaxshi o'yinchisi Luka CHermel ishtirok etdi.
- Janob murabbiy, o'yin haqidagi fikrlaringiz qanday?
- Birinchi o'yin hayajonga boy tarzda o'tdi. Ushbu musobaqamizdagi debyut o'yinimizda g'alaba qozondik. Birinchi bo'lim so'ngida standard vaziyatdan gol kiritishga erishdik. Ikkinchi bo'limda to'pni nazorat qilishga intildik va ikkinchi golni urdik. Musobaqani g'alaba bilan boshlab oldik. Barcha futbolchilarni, jamoa azolarini va muxlislarni muborakbod etaman.
-Uchrashuvning eng yaxshi o'yinchisi Luka CHermelning o'yin haqidagi fikrlari qanday?
- Bugun uch ochkoni qo'lga kiritganimizdan juda xursandman. "Neftchi" jamoasi ham rahmat aytaman. Ular yaxshi raqib bo'lishdi. Bugungi uchrashuv qiyin ruhda o'tdi. Kelgusi o'yinlarda ham shunday muvaffaqiyatga erishishga harakat qilaman. Oldimizda uch kun bor.
- Janob murabbiy, birinchi bo'lim so'ngida gol kiritishga erishdingiz. Tabiiyki, "Neftchi" ikkinchi bo'limda keskinroq o'yin ko'rsatishi malum edi. Tanaffus payti shogirdlaringizga qanday ko'rsatmalar berdingiz?
- Tanaffusda ikkinchi bo'limda to'pni nazorat qilishni rejalashtirdik. Ishonchliroq o'ynash kerak edi. Birinchi bo'limda bir necha vaziyatlarda keraklicha harakat qilmadik. Ikkinchi bo'limda to'pni o'zimizda ushlab turish va vaziyat bo'lishi bilan hujumga o'tishni niyat qilgandik. Agarda buni iloji bo'lmasa, to'pni o'zimizda ushlab turishni rejalashtirgandik.
- Uchrashuvning eng yaxshi o'yinchisi Luka CHermelga savol. OFK kubogida "So'g'diyona" birinchi marta qatnashmoqda. Dastlabki o'yindan keyin taassurotlar qanday?
- Men uchrashuvning eng yaxshi o'yinchisi emasman. Biz bir jamoa va bir oilamiz. Jamoamizdagi har bir o'yinchi bu o'yinda eng yaxshisi bo'ldi.
- Luka CHermelga yana bir savol. OFK kubogidagi ilk uchrashuvingizdan qoniqdingizmi? Keyingi o'yin oldidan jamoada nimalarni yaxshilash kerak deb o'ylaysiz?
- Menimcha, paslar ustida ishlashimiz kerak. Birinchi taymda bu jabhada bir necha xatolar yuzaga keldi. Ishlashda, o'sishda davom etamiz.
- G'alaba bilan tabriklayman. Murabbiyga savol. OFK kubogida ilk marta o'ynamoqdasiz. Bir necha o'yinchilaringiz ham birinchi marta OFK kubogida maydonga tushishdi. O'yindan qoniqdingizmi?
- Qaysidir vaziyatlarda o'yinimizdan qoniqdim, bazi vaziyatlarda esa yo'q. Umuman olganda, bu futbol. Xatosiz futbol o'ynab bo'lmaydi. Har bir o'yindan so'ng xatolar ustida ishlaymiz. Bu normal holat. Biz o'sishni harakat qilamiz.
Bosh sahifaga
3156