"Mazkur o'yin qiyin bo'lishini bilardik. CHunki o'z maydonida o'ynayotgan har bir jamoa to'liq kuch bilan harakat qiladi. Muxlislar daldasi katta yordam beradi. Biz esa muhim g'alabaga erishib, maqsadimiz sari yana bir qadam tashladik. Lekin o'yin juda qiyin kechdi", – dedi Filiposyan.
- O'tkazib yuborilgan gollar xususida nima deya olasiz?
- Har safar himoyachilar va darvozabon nolga o'ynashi juda qiyin ish. CSKA bilan bahsda ikkita to'p olib chiqdik. Demak, biz o'yin nazoratini qo'ldan chiqardik. SHunga qaramay, maqsadimiz g'alaba qozonish edi va buning uddasidan chiqa oldik. Asosiysi, shu.
- "Oltin Asr" bilan bo'ladigan bahsdan nimalarni kutyapsiz?
- So'zsiz bu finalga teng o'yin bo'ladi. Ertadan boshlab bo'lajak raqibimizni o'rganishni boshlaymiz. Biz faqat g'alabani o'ylashimiz kerak, chunki peshqadam jamoa keyingi bosqichga yo'llanma oladi. "Oltin Asr"ni mag'lubiyatga uchratishimiz muhim ahamiyatga ega. Xudo xohlasa, biz "Oltin Asr"ni mag'lub etamiz va O'zbekiston xalqini quvontirgan holda ortga qaytamiz.
Bosh sahifaga
3054