“Yuventus” g'alabali yo'lga qaytib oldi
“Milan”ni mag'lub etgan turinliklar “Sassuolo”ga qarshi o'yinga yaxshi kayfiyatda etib kelgandi. Jamoa chindan yaxshi sport formasiga kirib olgan va buni uchrashuvning ilk daqiqalaridan isbotlay oldi. Ayniqsa Frabotta faolligi bilan ajralib turdi. Avvaliga uning qanotdan amalga oshirgan uzatmasidan keyin sal qolsa, Ronaldu hisobni ochishi mumkin edi. Keyingi vaziyatda Makkenining tovoni bilan uzatmasidan keyin uning o'zi gol urishi mumkin edi. O'tkir burchakdan berilgan zarbadan so'ng to'p darvozadan yuqoriroqdan o'tib ketdi. Vaziyat rivojida Obyangni chetlatilishi muhim rol o'ynadi. Hakamning qizil kartochka ko'rsatishiga Kezaga nisbatan ishlatilgan qo'pollik sabab bo'ldi.
Tanaffusdan keyin shhyin yanada qiziqarli tus oldi. Keza jarima maydoniga uzatmani amalga oshirdi, to'p yo'l-himoyachi orqali Daniloga etib bordi va braziliyalik futbolchi darvoza burchagini aniq nishonga oldi. “Yuventus” mana nechinchi bor gol urgach, biroz sekinlashmoqda. “Sassuolo” imkoniyatlarga ega bo'ldi va ulardan birida gol urdi. Xamed Traore jarima maydoniga Defrelga to'pni etkazdi, u birinchi harakatda Bonuchchini aldadi va ikkinchi harakatda darvozabonni ham dog'da qoldirdi. Pirlo o'zgarishlar bilan o'yinga tasir o'tkazdi. “Yuventus” sekin-asta raqibni qamal qila boshladi va raqib unga dosh bermadi. Frabotta erlatib to'pni Remsiga aniq etkazdi va uelslik futbolchi nomini tabloga yozdirib qo'ydi. O'yin oxirida “keksa sinora” “neroverdi”ni butkul taslim qildi. Danilo deyarli butun maydondan o'tgan uzatmani amalga oshirdi va Ronaldu yakuniy hisobni o'rnatdi.
“Inter” va “Roma” murosa ko'chasini tanladi
Rimliklar bu mavsum yorqin debyutlari bilan etiborni tortishmoqda. Bu safar ham “jalorossi” juda faol edi. SHunday bo'lsada, dastlabki vaziyat aynan ularning darvozasi oldida yuzaga keldi. Lukaku boshi bilan yaxshi zarba bera olgandi, lekin Lopes jamoasini muqarrar goldan qutqardi. Keyingi hujumda “Roma” gol urib ketdi. Veretu biroz qo'pol o'ynagandek ko'ringan bo'lsada, hakam qoida buzilmaganini etirof etdi, to'pni Barelladan olib qo'yib, oldinga intildi, Mxitaryan to'pni Pellegriniga etkazdi va u rikoshet “yordamida” bo'lsada, Xandanovich darvozasi to'qqizligini nishonga oldi. “Inter” hujumga tashlandi lekin tanaffusgacha raqib darvozasi tomon yo'l topa bilmadi.
O'yinning ikkinchi qismida esa “neradzurri” juda faol harakat qildi va raqibga umuman o'yin bermadi. Lukaku avvaliga boshi bilan mo'ljaldan biroz adashdi, keyingi vaziyatda esa Lautaroga yaxshi pas berdi, ammo argentinalikning zarbasidan keyin Lopes yana o'zini ko'rsatdi. “Inter” hisobni tenglashtirdi, Brozovichning burchak zarbasidan etkazgan to'pi SHkrinyarning boshini topdi. Mehmonlar qulay fursat bo'lganini sezdi va o'yin taqdirini hal qilish payiga tushdi. Brozovich Xakimiga ajoyib pas berdi, Ashraf esa driblingini ishga solib jarima maydoniga kirdi va aylanma zarba bilan Lopesga imkon qoldirmadi. Ushbu gol Xakimi uchun “Inter” safida 6-si bo'ldi. Undan keyin “Roma” katta kuch bilan oldinga otildi, lekin Xandanovich gol qo'yib yubormoqchimasdi. SHunday bo'lsada, “Inter” g'alabani saqlab qola olmadi, Vilyar uzatmasidan keyin Manchini boshi bilan to'pni darvoza to'riga joylab qo'ydi. Jamoalar hech kimni qoniqtirmaydigan durang bilan yakunlandi.
“Milan” yangi seriyani boshladi
“Yuventus” bilan o'yindagi omadsizlikdan keyin “rossoneri” keyingi uchrashuvda qanday o'yin ko'rsatishi muhim edi. Umuman olganda “qizil-qoralar” o'yinni faolroq boshladi, chinakam xavfli vaziyat bo'lmasada, o'yin kimning nazorati ostida o'tayotgani sezilib turardi. SHunday bo'lsada, birinchi xavfli vaziyatoq golga aylandi. Teo to'p bilan oldinga o'tdi va uni Braim Diasga etkazdi, u esa birgina harakat bilan Leaoni darvozabon bilan birga-bir vaziyatga chiqarib yubordi, portugaliyalik strayker esa mo'ljalda adashmadi. Ispaniyalik yarim himoyachi faolligi bilan ajralib turardi. Oradan ko'p o'tmay aynan u dadil qadam tashlab, jarima maydonchasiga yorib kirdi va yiqitildi. Kessie odatga ko'ra, penaltidan unumli foydalandi. Tanaffusgacha “buqalar” oradagi farqni qisqartirishlari mumkin edi. Rodriges jarima zarbasini ajoyib tarzda amalga oshirdi, lekin to'p darvoza ustuni va to'sini kesishgan nuqtaga tegib qaytdi.
Tanaffusdan keyin “Torino” ancha faol edi va vaziyatlardan birida hakam o'n bir metrlik nuqtaga ishora qildi. Biroq takroriy lavhani ko'rgach, Verdiga nisbatan qoida buzilmagan deb topdi. “Torino” futbolchilari yana bir necha bor yaxshi zarbalar yo'llashdi, lekin Donnarumma xato qilmadi. “Milan” ikkinchi bo'limda deyarli hujum qilmadi, lekin ustunligini saqlab qola bildi va g'alabani qo'lga kiritdi. Yana bir muhim jihat, o'yin so'nggida Zlatan Ibragimovich maydonga tushirildi. Keyingi o'yinlarda tajribali qariyaning milanliklarga hali ancha foydasi tegishi turgan gap.
“Milan” muxlislari bu g'alabadan keyin jamoa yangi g'alabali seriyani boshlaganiga umid qilishmoqda.
SHuningdek, “Verona” “Krotone”ni engdi, “Bolonya” safarda “Djenoa”ga yutqazdi va “Lacio” “Parma” ustidan g'alaba qozondi
Sergey Rumyancev
Nozima Zaripova tarjimasi
Bosh sahifaga
335