"O'yinning birinchi qismida to'pni nazorat qildik. Vaziyatlar yaratdik. Biroq ularning bittasidan foydalandik. Ikkinchi bo'limda jamoam o'zgardi. Himoyadan hujumga chiqishda xatolar kuzatildi. Tan olish kerak raqibda xohish katta bo'ldi. Umuman olganda dastlabki bo'lim yaxshi o'tdi. Tarkibimizda yo'qotishlar ham borligini aytib o'tishim joiz, Sardor Rashidov, Odil Hamrobekov, Oliver SHarkich va hokazo. "Bunyodkor" ham yaxshi jamoa ekanligi ko'rinib turdi. Iqtidorli yosh futbolchilari bor. Har bir futbolchi tarkibda maydonga chiqib darajani saqlab qolish kerak. Yozgi tanaffusda barcha xatolarni tahlil qilamiz.
- Jamoaning jismoniy holati haqida nima deya olasiz? Ikkinchi bo'limga kelib futbolchilar charchab qolgandek ko'rindi...
- Futbolda jismoniy va taktik holatni ajratmayman. Taktik jihatdan bo'sh hududlar ochilib qolsa, uni to'ldirish uchun kuch sarflash kerak. OCHLda ham, ichki chempionatda ham taktika haqida futbolchilar bilan ko'p gaplashdik. Lekin...
- Sardor Rashidovning o'rnini qanday to'ldirmoqchisiz?
- Oldinda yana bir o'yin bor. Kelganimda ham aytganman, yoshlarga imkoniyat berishga harakat qilaman. Rashidovning o'rnini imkon qadar mahalliy futbolchilar bilan to'ldirishga harakat qilamiz.
Bosh sahifaga
3695