- O'yindan o'yinga o'sib boryapmiz. Biroq bugun o'z o'yinimizni ko'rsatishimiz qiyin bo'ldi. Bugun juda qiyin ob-havo sharoitida o'ynadik. Bugungi o'yin soat 19:00 da boshlandi, odatda, uchrashuvlar 20:00 dan keyin rejalashtirilardi. Bugun o'ta issiq havoda kurash kechdi. Bu havoda o'zimiz istagan o'yinni ko'rsata olishimiz qiyin bo'ldi, lekin biz o'z uzlubimizda maydonda qo'llashga harakat qildik. Birinchi bo'limda vaziyatlar yaratishda qiyinchiliklarga duch keldik, ammo ikkinchi bo'limda o'z uslubimizga qaytdik va yuqori pressing hamda hujumlar tashkil qila boshladik.
- Birinchi davradan so'ng "Surxon" o'z oldiga qo'ygan maqsadini amalga oshira oldimi?
- Bizda gol urish uchun bir qancha imkoniyatlar yuzaga keldi. Ikki-uch marotaba golga yaqin bordik, bir vaziyatda futbolchimiz raqib posboni bilan yakkama-yakka vaziyatga chiqib bordi. Bilamizki, "Neftchi" juda yaxshi formada, biz ularni to'xtatishga harakat qildik. Ikkinchi taymdan ko'nglim to'ldi, bir necha golga yaqin vaziyatlar bo'ldi, afsuski hujumlarni golga aylantira olmadik. Oxirgi uch o'yinda 7 ochko jamg'ardik, endi "Nasaf" bilan o'yinga jiddiy tayyorgarlik ko'ramiz.
- Jamoaning o'yini ikki taymda ikki xil tarzda o'tdi. Ikkinchi bo'limda "Neftchi"ning ojiz nuqtasini topa oldi jamoangiz. Bu kamchiliklarni bilarmidingiz yoki o'yindan kelib chiqib topdingizmi?
- Raqib birinchi taymda to'pga ko'proq egalik qilgan holda ustunlik qilishdi, biz esa qarshi hujumda raqibni jazolashga harakat qildik. Ancha qiyinchiliklarga duch keldik, ikkinchi qavatda ustunlikka ega bo'lolmadik. Tezroq ikkinchi taymga o'tishni maqsad qildik va bu bo'limda o'z kuchimizni ko'rsatishga harakat qildik. Ikkinchi bo'limni yaxshi kayfiyatda o'tkazdik va g'alaba loyiq ham edik, afsuski, uch ochkoga ega chiqolmadik.
Bosh sahifaga
176
