"Qarshida to'p tepish doim yoqimli hislarni beradi. Ajoyib muhit va maydonni alohida aytib o'tish joiz. "Nasaf" O'zbekistonning har tomonlama kuchli jamoasi hisoblanadi. Buni bugun ham isbotlashdi. Futbolchilar yaxshi harakat qildi. Tezkor gol qaysidir manoda rejalarimizni o'zgartirib yubordi. SHunga qaramay yigitlar ko'rsatmalarni to'g'ri bajarishdi",- deydi Timur Kapadze.
- Olimpiya terma jamoamizning asosini shu jamoa futbolchilari tashkil qiladi. Ularning o'yin amaliyotiga ega bo'lgani foyda keltiryaptimi?
- O'yin amaliyoti muntazam berilib kelinyapti. Lekin xalqaro musobaqadagi tajribani hech qaerda ololmaysiz. U-23 Osiyo kubogida futbolchilarning o'ziga bo'lgan ishonchi ortdi. Ko'rinib turibdi, futbolchilar o'sishga erishishdi.
- "Olimpik" oldiga qanday maqsad qo'yilgan?
- Birinchi maqsadimiz futbolchilarni o'sishiga yordam berish. SHu orqali terma jamoaga ular munosib bo'lishlari kerak. Albatta har bir o'yinda maydonga chiqib g'alaba qozonishni maqsad qilamiz. Buning uchun taktik, jismoniy umuman har tomonlama tayyorgarlik ko'ramiz. Ularga rahmat aytaman.
- Finaldan keyin ruhiy tomondan tiklanish qanday kechdi?
- Bu mag'lubiyatni faqat ish orqali esdan chiqarish mumkin. Hozir buni o'ylab siqiladigan payt emas. Bu gapni futbolchilarga ham aytdim, deya olaman. Biz yanada kuchli bo'lishimiz lozim. Mashg'ulotlar, mehnat orqali bunga erishish mumkin. Stadiondagi muxlislarning ko'z yoshlarini ko'rib o'shanda men ham tasirlandim. G'alaba tortiq qilmoqchi edik.
- Superligada chempionlik yo'lidagi kurash haqida nima deya olasiz?
- Turnir jadvaliga qaraydigan bo'lsak, jamoalar juda zich joylashgan. Jon saqlash va chempionlik uchun raqobat katta. Ikkinchi davrada ko'p narsa hal bo'ladi. Favorit yo'q, birgina ochko jamoalarning o'rniga tasir qilishi mumkin.
Bosh sahifaga
405
