O'zbekiston U-23 terma jamoasi sardori Jaloliddinov ushbu mavsumga tayyorgarlikni "Lokomotiv" safida boshlab, Superliga boshlanishiga sanoqlik kunlar qolganida Qozog'istonning "Qayrat" klubiga ijaraga berilgandi.
Uni "Qayrat"ning o'sha paytdagi bosh murabbiyi Qurbon Berdiev shaxsan jamoaga taklif etgandi. Lekin Jasur Qozog'istonda ko'p ham o'yin amaliyotiga ega bo'lmadi. Bundan tashqari Qurbon Berdiev klubni tark etib, Eronga yo'l oldi.
SHu bois Jasur Jaloliddinovning o'zi ham "Lokomotiv"ga qaytishni xohlab turibdi. Kecha "temiryo'lchilar" yarim himoyachisi Diyorbek Turopov "Navbahor"ga yo'l olayotgani haqida xabar chiqdi. Klub rahbariyati Turopov o'rnini Jaloliddinov bilan to'ldirmoqchi. SHuningdek, yozgi transfer paytida "Loko"ga kuchli hujumchining kelishi kutilyapti.
Jasurbek Jaloliddinov U-23 Osiyo chempionatidagi munosib o'yini sabab O'zbekiston Respublikasi Prezidenti SHavkat Mirziyoevdan "Kelajak bunyodkori" medalini qabul qilib oldi. Davlatimiz rahbarining etibori Jaloliddinovga o'z ustida yanada ko'proq ishlashi uchun dalda bersa ajab emas.
Bosh sahifaga
334