O'yin haqida
- Bugungi o'yinda qonun ustuvor bo'ldi. Futbolda "sen urmasang, senga urishadi", degan qonun bor. Bu uchrashuvda birinchi davradigi eng yaxshi o'yinimizni o'tkazdik deb o'ylayman. Yigitlarga hech narsa deya olmayman. Bo'lib turadi. Kurashlarga boy , kombinacion o'yin bo'ldi. Ammo vaziyatlardan foydalanish borasida oqsadik. Bu o'yinda muxlislar yutdi, biz esa uch ochko yo'qotdik. Endi futboldan kichik tatilga chiqamiz. Hayot esa davom etadi. Qaytaraman, bugun birinchi davradagi eng yaxshi o'yinimiz bo'ldi.
- Oxirgi paytlar ikki darvozabonni almashtirib o'ynatyapsiz. Ammo jamoa darvozasiga yo'llanayotgan ikki zarbadan biri ko'pincha gol bilan yakunlanyapti. Bu jiddiy muammo emasmi?
- Albatta, bu muammo. Ammo faqatgina ishlamagan inson xato qilmaydi. Bu xatolardan to'g'ri xulosa chiqarish lozim.
- Davralar oralig'ida jamoada o'zgarishlar bo'ladimi?
- Jamoada unchalik ham katta o'zgarish kuzatilmaydi. Jarohatda bo'lgan o'yinchilarimizni tezroq safga qaytishsa, bu nur ustiga alo nur bo'lardi.
- AGMK chempionlik uchun asosiy davogarlardan biri. Ammo bazi chiziqlarda yaqori saviyali o'yinchilar etishmayotgandek tuyilmayaptimi? Masalan, Anzur Ismoilov kelgandan keyin himoya ancha tartibga keldi. Boshqa poziciyalarchi?
- Har bir murabbiy tarkibida kuchli o'yinchilar bo'lishini xohlaydi. Ammo kurashda boshqa jamoalar ham bor. Menimcha, biz shu tarkib bilan ham muxlislarga yoqadigan o'yin ko'rsatyapmiz.
Bosh sahifaga
175