Ayni kunlarda Farg'ona viloyati futbol associaciyasi tomonidan musobaqada ishtirok etishni maqsad qilgan jamoalarni ro'yhatga olish ishlari olib borilmoqda.
Futbol associaciyasidagi manbaning xabar berishicha, bu yilgi "Hokim kubogi" musobaqasi avvalgilaridan o'zgacharoq ko'rinishda bo'ladi. Xususan Farg'ona viloyati hokimligi musobaqada g'oliblikni qo'lga kiritgan jamoaga qimmatbaho sovg'alarni hozirlamoqda. SHuningdek, mazkur musobaqada Superliga, PRO-Liga, shuningdek qo'shni Qirg'iziston va Tojikiston davlatlaridan hakamlar jalb etilishi rejalashtirilgan.
Bizga etib kelgan malumotlarga ko'ra, mazkur musobaqada vodiy klublaridan tashqari Toshkentning "Bunyodkor", Buxoroning "Buxoro", jamoalari, shuningdek Tojikiston va Qirg'izistondan ham futbol klublari ishtirok etadilar. SHuningdek "Neftchi", "Qo'qon-1912", "Turon", "Andijon", "Istiqlol" kabi vodiy klublari ham har yilgidek ushbu musobaqada qatnashishlari malum bo'lgan.
"Hokim kubogi" musobaqasida futbol uchrashuvlari "Neftchi" sport majmuasi maydoni, Farg'ona davlat universiteti stadioni, Farg'ona futbol mahorat maktabi o'yingohi va Quvasoyning "Cementchi" stadionlarida bo'lib o'tishi belgilangan. Bundan tashqari musobaqaning final uchrashuvini "Istiqlol" stadionida o'tkazish varianti ham ko'rib chiqilmoqda.
Championat.asia ijodiy guruhi mazkur musobaqani to'liq hajmda yoritib borishni maqsad qilgan. Bizni kuzatishda davom eting!
Bosh sahifaga
335