O'FA Etika qo'mitasi tomonidan 5 yilga chetlatilgan mutaxassis 2020 yilning oxirida "Surxon" klubining kafilligi bilan katta futbolga qaytdi va darhol "Neftchi" bosh murabbiyi sifatida tanishtirildi.
U baquvvat, boy klubga kelmadi. Jamoa 21-asrning 20-yilida ham quyidagi avtobusdan foydalanar edi.
Lekin mutaxassisga yaxshi ishlashi uchun barcha sharoitlar yaratib berildi. U istagan futbolchilar olib kelindi. Mavsum startida "Neftchi"ning tarkibi va smetasi qolgan jamoalardan 1 boshga ustun edi.
Tabiiyki, Pro liga chempionligi muddatidan oldin tantana qilindi. "Neftchi" elitaga qaytdi!
SHundan keyin toshentlik mutaxassis ko'pchilikka javob berib, yangi jamoa tuzishni boshladi. Katta transferlar amalga oshirildi.
Qishda "SHinnik" (Rossiya) bilan nazorat o'yinidan oldin Ilhom akaning o'zi bilan suhbatlashgandik. Niyatlari rostan ham katta, medallar uchun kurashmoqchi edi.
Lekin o'xshamadi. Omad tamomila farg'onaliklardan yuzini burgandi. Qizil kartochka tufayli boshlangan yo'qotishlar jarohatlar epidemiyasiga ulanib ketdi. Qolaversa, bu natijada ham aks etdi.
Birinchi davra yakunida "Neftchi" hisobida atigi 11 ochko bor. Klub Pro ligaga tushib ketish uchun asosiy davogarlardan biri bo'lib turibdi. Tarixga nazar solsak, farg'onaliklar faqat 2 marta mavsumni bundan yomonroq boshlashgan. SHu tufayli 43 yoshli mutaxassis istefoga chiqarildi.
So'zimiz oxirida Mo'minjonovning "Neftchi"dagi faoliyatiga raqamlar bilan to'xtalamiz.
41 o'yin: 19 g'alaba, 9 durang, 13 mag'lubiyat. Yani, jamoa har o'yinda o'rtacha 1,6 ochko ishladi.
Eng yirik g'alaba "Dinamo" ustidan qo'lga kiritilgan (6:0). Eng ayanchli mag'lubiyat esa AGMK bilan O'zbekiston kubogi nimchorak finalida ro'y bergan (6:1).
Ilhom Mo'minjonov bilan tuzilgan shartnoma 2024 yilning oxiriga qadar mo'ljallangan, reja bo'yicha u klubni OCHLga olib chiqishi kerak edi...
obuna bo'ling → "Futbol analizi"
Bosh sahifaga
245