Forvard o'tgan yozda Madrid klubiga qaytishni orzu qilgandi. "Yuventus"dan ketishni xohlagan portugaliyalik "Real" rahbarlari bilan aloqaga chiqqan va o'z xizmatlarini klubga taklif etgan edi, ammo ispanlar bunday variantni ko'rib chiqishmadi va Krishtianuni taklif qilishmadi.
Natijada, Ronaldu "Yuventus"dan "Manchester Yunayted"ga o'tdi.
"Real" o'tgan yozda rad javobini berganidan so'ng Krishtianu va klub rahbariyati o'rtasidagi munosabatlar sovuqlashdi. Forvard hozirda "Manchester Yunayted"dan ketmoqchi, "Real" va hujumchining vakillari o'rtasida aloqa bo'lgani yo'q. Buning yaqin kunlarda bo'lishi ham kutilmayapti.
"Real" bir qancha vaqt oldin transfer strategiyasi ishlab chiqdi va uni qandaydir o'yinchi sabab o'zgartirmaydi. Hozirda ispan klubidagi muhit bir futbolchidan ko'ra yuqori qo'yilgan.
"Real"ga o'tishdan bosh tortib, PSJ bilan shartnomasini uzaytirgan Mbappening vaziyati klubni jamoa muhitiga tahdid soluvchi o'yinchilar bilan shartnoma imzolash kerak emas degan fikrini tasdiqladi.
Bosh sahifaga
134
