Jizzaxda "So'g'diyona" yirik hisobda taslim qilingan uchrashuvdan so'ng birinchi davrada jamoaning haqiqiy etakchisiga aylana olgan Aleksandar Stanislavlevichni intervyuga taklif qildik. Darhaqiqat serbiyalik yarim himoyachining ortda qolgan o'yinlardagi statistikasi ajoyib ekanligini ko'rishimiz mumkin, u raqiblar darvozasini 5 bor ishg'ol qildi va 7ta golga assistentlikni amalga oshirdi.
- Aleksandar dastlab "So'g'diyona" bilan uchrashuv haqida fikrlaringiz bilan o'rtoqlashsangiz. SHu kuni mezbonlarda charchoq alomatlari sezilgani va bor kuchi bilan o'ynamagani "Qizilqum"ning foydasiga ishladimi?
- Avvalo bizni qo'llab-quvvatlagan muxlislarga rahmat aytmoqchiman. Ushbu uchrashuvga juda yaxshi tayyorgarlik ko'rgandik.
- Ushbu uchrashuvga qadar jamoaning ichki muhiti yaxshi emasligi haqida xabarlar chiqqandi...
- Klub va jamoadagi vaziyatga kelsak, buni ommaga chiqarish shart emas. SHu erda qolishi kerak. Barchasini yopiq eshiklar ortida hal qilamiz.
- Navoiyda "Paxtakor"dan uchralgan mag'lubiyatdan so'ng klubdagilar bilan nizo yuzaga kelgani haqiqatmi?
- Albatta, "Paxtakor"ga qarshi o'yindagi mag'lubiyatdan so'ng norozilik kayfiyati yo'q emasdi. Muhimi klubdagi asosiy personallar bizda yaxshi jamoa borligiga ishonishadi. Har bir o'yinda g'alaba kutishadi. Bu tushunarli va tabiiy holat.
- Birinchi davradagi natijadan qoniqdingizmi?
- Garchi bir nechta o'yinlarda mag'lubiyatga uchragan bo'lsakda, chempionlik uchun kurashda davom etyapmiz. Bundan ham yaxshiroq natija qayd etishimiz mumkin. Ikkinchi davrani Jizzaxda qolgan joyidan davom ettiramiz.
- O'zbekiston Superligasida debyut qildingiz. 5ta yoqqan va yoqmagan jihatlarni ayta olasizmi?
- "Qizilqum" o'ynayotganimdan xursandman. Bizda yaxshi jamoa bor. Buni yuqorida ham aytdim. Muhimi futbolchilarning xarakteri alo. Mazkur omil menga yanada qulayliklar tug'dirmoqda.
- Hakamlik va tashkiliy ishlarga qanday baho berasiz?
- Hakamlikdan ko'nglim to'q. Ular imkon qadar o'yinlarni xatosiz boshqarishga harakat qilishmoqda. Barchalariga rahmat.
Abdulaziz Iskandarov suhbatlashdi
Bosh sahifaga
109
