Bu haqda 30 yoshli angliyalik yarim himoyachi Tvitter sahifasida malum qildi.
"Bugun professional futboldagi faoliyatini yakunlaganimni elon qilaman.
Futbolchilik davri unutilmas taassurotlarga boy bo'ldi va kareramda shunday lahzalarni boshdan kechirganimdan xursandman. Bog'da to'p tepayotgan bolalikdan tortib, sevimli "Arsenal" sardori bo'lish va jahon chempionatida o'z mamlakati sharafini qilishdek voqealar shohidi bo'ldim. Orzularimni amalga oshirdim deya olaman.
Rostini aytsam, so'nggi paytlarda o'zimga bog'liq bo'lmagan sabablarga ko'ra o'yinim pasayib borayotganini qabul qilish qiyin edi, biroq o'zimni ko'proq mehnat qilmayotgandek his qilardim. Bunday vaziyatga tushishimni kutmagandim.
Biroq erishgan yutuqlarimga faxr bilan qarayman. Bunday martabaga ega bo'lganim uchun o'zimni juda omadli hisoblayman", — deb yozadi Uilsher.
Uilsher "Arsenal" klubi tarbiyalanuvchisi hisoblanadi. London klubida yarim himoyachi 2008/09 yilgi mavsum 16 yoshida debyut qilgan va "kanonirlar" safida jami 197 ta o'yin o'tkazgan.
Futbolchi "Bolton", "Bornmut" va "Vest Xem" klublarida ham to'p tepgan. Uilsher Angliya terma jamoasi safida 34 ta o'yinda maydonga tushib, 2 ta gol urgan.
Bosh sahifaga
142
