Bekxem 21 yillik faoliyati davomida dunyoning eng yirik klublarida o'ynagan. U faoliyatini 2013 yilda yakunlagandi.
Beksning karerasi "Yunayted"da boshlangan, keyin Ispaniyaga yo'l olib, "Real"da o'ynagan, so'ngra "Milan", "Los-Anjeles Gelaksi" va "Pari Sen-Jermen" sharafini himoya etgan. SHuningdek, Bekxem Angliya terma jamoasi safida 115 ta o'yin o'tkazgan va olti yil davomida o'z mamlakati sardori bo'lgan.
Natijada, yarim himoyachi dunyo ko'rgan eng yaxshi futbolchilar bilan maydonni baham ko'rdi. Kaka, Zinedin Zidan, Ronaldino va Zlatan Ibragimovich – bular Bekxem bilan birga o'ynagan qoyilmaqom futbolchilarning bir qismi xolos.
"Men bilan birga o'ynagan eng yaxshi futbolchi – Zidan", – dedi Devid Gari Nevillga bergan intervyusida.
Futbol tarixidagi eng yaxshi futbolchilardan biri hisoblangan Zidan "Real Madrid"da uch yil davomida Bekxem bilan birga o'ynadi va ular birgalikda Ispaniya Superkubogini qo'lga kiritishdi.
Bekxem Madriddan Los-Anjelesga ketishdan bir yil avval Zidan faoliyatini tugatgandi.
2020 yilda Bekxem Zidanga bo'lgan hurmatini ko'rsatgandi – u emocional posti orqali franciyalik afsonaga hurmat bajo keltirgan.
"Men Zizuga qarshi o'ynagan omadli insonman, ammo faoliyatimdagi eng muhim lahzalardan biri shuki, men u bilan bir jamoada o'ynaganman. Uning so'nggi o'yinidagi o'sha lahza nafaqat biz uchun, balki butun dunyo uchun qayg'uli edi. Mersi, do'stim".
Zidanni eng yaxshi jamoadoshi deb atagan Bekxem o'zining eng muvaffaqiyatli yillarini "Old Trafford"da o'tkazganini unutmaslik lozim. U ser Aleks Fergyuson qo'l ostida olti marta Premer-liga chempioniga aylandi, ikki marta Angliya Kubogi sohibi bo'ldi va CHempionlar Ligasida zafar quchdi.
Biroq Bekxem "Yunayted" afsonasi ser Bobbi CHarlton nomini tilga olib, albatta u bilan birga o'ynashni xohlaganini bildirdi.
"U otamning kumiri edi, shuning uchun mening ikkinchi ismim Robert. Ser Bobbi bilan bajonidil birga o'ynagan bo'lardim".
Bosh sahifaga
190