Pro liga vakili "Yangier" raqiblik qilgan o'yinda farg'onaliklar 3:1 hisobidagi g'alabani tantana qildi. Ushbu bahs yakunlangach "Neftchi" bosh murabbiyi Vitaliy Levchenkoning fikrlari bilan qiziqdik.
"O'yinni yaxshilash borasida hali qiladigan ishlarimiz bor. Ikkinchisi jismoniy holatimizni optimal darajaga olib chiqish. Ayni paytda futbolchilarga yuklamalar berilyapti. Umuman olganda ularga ortiqcha etirozim yo'q.Harakat qilishmoqda, intilishmoqda. Qanday kamchiliklarimiz borligini bilamiz. Umid qilamanki, ikkinchi davra startiga qadar maromida tayyorgarlik ko'ramiz",- deydi murabbiy.
- Ko'rikda bo'lib turgan yangi futbolchilar haqida...
- Muammoli chiziqlarni kuchaytirishga harakat qilmoqdamiz. Mashg'ulotlar, o'yinlar orqali ularni ko'rib olish imkoniyati bo'lmoqda. Ayrim o'zgarishlarni amalga oshirishimiz mumkin.
- Exsoni Panshanbening xizmatiga avvaldan qiziqib kelasiz. Uning "Neftchi"ga o'tishi borasida xabarlar chiqdi...
- U bilan gaplashdim. Qiziqish bildirganim rost. Lekin u Eron klubini tanladi. Exsoniga omad tilayman. Bu uning tanlovi. Qaerda to'p tepish futbolchining xohishi hisoblanadi.
- "Yangier" bilan uchrashuv avvalida Yuriy Sarkisyan jamoaga o'z tilaklarini bildirdi. Bu holat qanday hissiyotlarni berdi?
- Avval ham aytganman Yuriy Sarkisyan Farg'ona futboli uchun ko'p xizmat qilgan. "Neftchi" uchun ancha ishlarni amalga oshirgan, deb o'ylayman. Yuriy Vazgenovichni Farg'onaga stadionimiz ochilishiga taklif qilishdan faqat xursand bo'laman.
Abdulaziz Iskandarov yozib oldi
Bosh sahifaga
196