"Bugun ilk o'rtoqlik uchrashuvini o'tkazdik. Dastlabki to'rtlikda yosh o'yinchilarimizga imkoniyat berdik. Ularning o'yini menga yoqdi. Keyingi to'rtlikda juda ko'p tarkibni sinab ko'rdim. CHunki yosh yigitlarni ko'rib olishim kerak. Bilinib turibdi, hali ancha o'z ustida ishlashlari lozim. Xudo xohlasa, ularning darajasi o'sadi. Ular ilk bor xalqaro darajadagi o'yinda qatnashishdi. Ancha vaziyatlardan foydalanishda oqsashdi. Umuman olganda, yigitlardan ko'nglim to'q", – dedi Ahmedov.
- O'yin davomida juda ko'p to'p yo'qotdik va darvoza oldida to'pni yo'qotishimiz ortidan 2 ta gol o'tkazib yubordik. Bu ko'proq yosh o'yinchilar o'ynagani bilan bog'liqmi yoki boshqa sabablar bormi?
- Boshqa sabablar ham bor. CHunki tarkib o'zgartirganimiz tufayli unga moslashish qiyin kechadi. SHuning uchun bunday holatlar uchraydi. Birinchi va ikkinchi to'rtlik bir-birini tushunadi, ammo yoshlar va yangilar xato qilishadi. Bu biz uchun kerak narsa, chunki aynan shu xatolarni ko'rib, buni ustida ishlaymiz.
- Murabbiy sifatida bugungi bahsdan nimalarni oldingiz?
- Yoshlarimiz nimaga qodirligini ko'rib oldim. Xatoga yo'l qo'ygan bo'lishsa-da, yigitlardan ko'nglim to'ldi.
Futzal. O'zbekiston va Tojikiston o'rtasidagi dastlabki o'rtoqlik uchrashuvida kuchlar teng keldi
Bosh sahifaga
182
