— Kamoliddin aka, PFL ijroiya qo'mitasi qarzi bor klublarga yangi futbolchilarni ro'yxatdan o'tkazishga ruhsat berilmasligini elon qildi. Bu qarorning siz himoya qiladigan o'yinchilar uchun salbiy va ijobiy jihatlariga to'xtalsangiz.
— Bu qaror bizning himoyamizda bo'lgan va uzoq muddatdan beri klublaridan o'z haqini undirolmayotgan futbolchilar oldida ulkan qulaylik paydo qiladi. Turli sabablar bilan amaldagi shartnomasini bekor qilgan mijozlarimizga esa biroz murakkab bo'lyapti.
— Bu ijobiy qadammi?
— Albatta, agar qarzdorliklar echimini shunday yo'l bilan hal qilmasak, bu "girdob"dan chiqib ketishimiz qiyin bo'lyapti. CHunki ko'plab jamoalarimizda o'yinchi oldidagi qarzlar yildan-yilga o'tib kelmoqda. Keskinroq chora qo'llanmasa, bu hol yana uzoq yillar davom etishi mumkin.
— Sizning tashabbusingiz bilan "Players Red Button" ilovasi O'zbekistonga ham kirib keldi. Halol futbolni targ'ib qiladigan bu loyiha barcha o'yinchilargacha etib bordimi?
— To'g'ri takidladingiz, uyushmamiz bilan "Red Button" loyihasini yurtimiz futbolchilariga taqdim qildik. Hozircha 50-60% o'yinchilar qamrab olindi. Mavsumning 2-yarmida ayollar va Birinchi ligada to'p tepadiganlarga ham ushbu ilovani etkazishni maqsad qilganmiz.
— Bugungi kunda Futbolchilar uyushmasi azolari nechtaga etdi?
— Ayni paytda 500ga yaqinlashib qolgan. Yil yakuniga qadar yana ko'payib qolishadi. Umuman olganda, deyarli barcha o'zini Futbolchilar uyushmasi azosi sifatida ko'rsa ham, rasmiylashtirish jarayonida bazi qiyinchiliklarga duch kelyapmiz.
— Kamoliddin aka, ko'p hollarda klublarda faoliyat yuritadigan ishchi-xodimlar o'z haqlarini ololmay qolib ketishadi. Ularning himoyasini qanday taminlasak bo'ladi?
— Juda muhim mavzuni ko'tardingiz. Ushbu masala yuzasidan biz 2 yildan beri O'FA va O'zPFLga o'z takliflarimizni berib kelyapmiz. Sizga ham aytaman, O'zbekistonda ham Nizolar palatasini ochish vaqti keldi. Bu davr talabi. SHu masalada bazi muzokaralarimiz ham bo'lgan, bazilari to'xtab qolgan. Agar mazkur muammo ijobiy hal bo'lib, O'FA qoshida Nizolar palatasi tashkil qilinsa, ko'plab ishchi-xodimlarning mushkuli osonlashardi...
— Albatta, bu jiddiy muammo. Ayni paytda klublardan o'z haqqini ololmayotgan oddiy ishchilarga sizning uyushmangiz qandaydir yordam bera oladimi?
— Bizga murojaatlar bo'lib turibdi. Ularga huquqiy maslahat beryapmiz. Qaerlarga, qay tartibda murojaat qilishlari mumkinligi ko'rsatyapmiz. Bevosita echimga kelsak, afsuski, xodimlarning nizolarini ko'radigan qo'mitaning o'zi yo'q.
— Bizda futbolchilar yoki murabbiylar ishtirokidagi nizolarni ko'radigan maxsus qo'mita ham yo'q. Yanglishmadimmi?
— SHunday. Bugungi kunda o'yinchilar ishtirokidagi nizolar O'FA qoshidagi Futbolchilarning o'tishi va maqomi bo'yicha qo'mitada ko'riladi. Garchi uning vazifasi butunlay boshqa bo'lsa ham... Bu kamchiliklar qachondir hal bo'lishi kerak. FIFAdagi singari Nizolarni hal qilish palatasi paydo bo'lsa, ishlarimiz ancha engillashadi.
— Denisov kecha "So'g'diyona" bilan shartnoma imzoladi. O'sha paytda sizni ham Jizzaxdagi stadionda ko'rishgan. Bu tasodifmi?
— Yo'q, Vitaliy bilan birga borgandim. Xabaringiz bor, u O'zbekistondagi dastlabki professional shartnomasini imzoladi. Muzokaralarda ishtirok etib, futbolchiga huquqiy masalalar bo'yicha yordam berdik. Ham bolalikdagi do'sti, ham huquqiy maslahat beruvchi mutaxassis sifatida Denisovning yonida bo'ldim.
— Kamoliddin aka, o'zingiz ham Vitaliy bilan birga to'p tepgansiz. Uning O'zbekistonga qaytishi ko'plab muxlislarni xursand qilgani aniq. Sizning bu boradagi fikrlaringiz qanaqa?
— Bu transfer mahalliy ishqibozlar uchun kutilmagan syurpriz bo'lib, ko'pchilikni xursand qilgani aniq. Denisovning tarixi, u o'ynagan saviya butunlay boshqa daraja. Muxlislar uni juda sog'inishgan edi. U "So'g'diyona" yutuqlariga hissa qo'shishiga ishonaman va Vitaliyga Sanjar Tursunov singari faqat omad tilayman.
Obuna bo'ling → FA| futbol ANALIZI
Bosh sahifaga
163
