Biz esa fursatdan foydalanib, "Paxtakor" jamoasining chernogoriyalik futbolchisi Oliver SHarkich bilan suhbatlashdik.
-Siz oxirgi turlarni o'tkazib yuborishingizning sababi nimada?
-Iyun oyida "Olimpik"ga qarshi o'rtoqlik uchrashuvida jarohat olgan edim. Murrabiy jarohatimdan tiklanishim zarurligini aytgandi.
-Hozirgi kunda Superligada tannafus. Bo'sh vaqtingizni qanday o'tkazmoqdasiz?
- Dam olishga umuman vaqt yo'q. CHunki jarohatdan tiklanib, yahshi jismoniy holatimga qaytishim kerak. SHundan so'ng, avgustdagi birinchi uchrashuvga tayyor bo'lishim shart.
- Slavche Voyneskini klubdan ketishi haqida fikrlaringiz?
- O'ylashimcha, u klub bilan nimagadir erishish uchun qo'lidan kelganini qildi. Futbolda hamma narsa tez ro'y beradi. Mavsumni Superkubokni yutish bilan boshlab, mavsum yarmida istefoga chiqish - buning barchasi futbol.
-Maksim SHackixni jamoaga kelishiga munosabatingiz qanday?
-Slavchega menga imkoniyat bergani uchun rahmat aytib qolaman. Klub hozir uning o'rniga o'zbek futboli afsonasi va sobiq ajoyib hujumchi Maksim SHatskixni olib kelishga qaror qildi. Umid qilamanki, biz birga yahshi ishlab, katta marralarni zabt eta olamiz.
-Maksim SHatskixni jamoa murrabiyiga aylanishi rejalaringizga tasir qiladimi?
-Mening rejam - jamoaga qo'limdan kelgancha yordam berish. Mavsum oxirigacha shartnomam bor, uyog'ini vaqt ko'rsatadi.
-Sizga qaysi poziciyada o'ynash qulayroq?
-Men uchun hujumda o'ynash qulayroq, chunki men ko'p gol urishni yoqtiraman. Ammo o'zimni xujumkor yarim himoyachi rolida ham yaxshi his qilaman. Faoliyatim davomida himoyadan tashqari hamma poziciyada o'ynaganman. Biroq, menga ko'proq hujumda o'ynash yoqadi.
-Bu yilgi mavsumda qaysi jamoalar chempionlik uchun favorit deb o'ylaysiz?
-To'g'risini aytsam, hamma jamoalar ajoyib o'yin ko'rsatishmoqda. Oxirgi o'yinlarda bizga omad etishmadi va 90-daqiqadan so'ng ochko yo'qotishni boshladik. O'ylashimcha, biz chempionlik uchun loyiq jamoamiz.
-Menda bor malumotlarga qaraganda, siz Viktor Lindelyof bilan bir jamoada o'ynagan ekansiz...
-Albatta, men Yuriy Tilemans, Ruben Diash, Renato Sanchesh va Joau Felish kabi futbolchilar bilan ham bir jamoada o'ynaganman.
-Qaysi mashhur futbolchilarga qarshi maydonda to'p surgansiz?
-O'tgan mavsumda sobiq jamoam bilan "Manchester Siti"ga qarshi o'ynagandim.
-Muhlislarga tilaklaringiz...
-Bizni qullab-quvatlashlarini so'ragan bular edim. Biz ular uchun maydonda borimizni berib, chempion bo'lishga xarakat qilamiz.
Uchqun Azimov suhbatlashdi.
Bosh sahifaga
200
