Kuni kecha klub “Mashal” (2:1)ga qarshi nazorat bahsida maydonga tushdi. Bellashuvdan keyin termizliklar yarim himoyachisi Javohir Sohibov fikrlariga quloq tutdik.
“Mashal” bilan o'yin haqida
- Umuman olganda, o'yin yaxshi kechdi. To'g'ri, nazorat bahsi bo'lganiga qaramay, g'alaba qozondik. Uchrashuvda vaziyatlarimiz ko'p bo'ldi. Lekin ulardan foydalana olmadik. Bu kabi nazorat bellashuvlari biz uchun muhim hisoblanadi.
Tayyorgarlik borasida
- Ikkinchi davra o'yinlarga astoydil tayyorgarlik ko'ryapmiz. Har kuni ikki mahaldan shug'ullanyapmiz. Ertalab futbolchilarga jismoniy yuklamalar berilayotgan bo'lsa, kechki mashg'ulotda asosan to'p bilan ishlab, texnik-taktik tayyorgarlikka etibor qaratilmoqda. Bosh murabbiyimiz bilan mavsumning muhim pallasiga optimal sport formada bo'lishni intilmoqdamiz.
Birinchi davra yakunlari xususida
- Birinchi davradagi taassurotlarim o'rtacha. Biz hali ham Superligada o'zimizga munosib bo'lmagan o'rindamiz. Ikkinchi davrada natijalarimizni ijobiy tomonga o'zgartirib, kerakli ochkolarni to'plash va mavsumni yuqori o'rinlardan birida yakunlashni istaymiz.
Anxel Lopesning g'oyalari to'g'risida
- Bosh murabbiyimiz bu mavsum ish boshladi. SHunga qaramay, uning ko'rsatmalariga tushunib, mashg'ulotlarda bajarmoqdamiz. Futbolchilar sekin-asta tushunib boryapti. Ishonamanki, ikkinchi davrada natijalarimiz yanada yaxshi bo'ladi.
Bosh sahifaga
135
