SHu yilning aprel oyida poytaxtimizning CHilonzor tumanida "Lokomotiv" bolalar va o'smirlar futbol maktabiga qarashli "Lokomotiv kids" filiali tashkil qilinib, bugungi kunda mazkur filialda 60 nafarga yaqin yoshlar "millionlar o'yini" bilan shug'ullanib kelmoqda.
Suniy qoplamali maydon o'lchami 50x50 bo'lib, bolakaylarning shug'ullanishi hamda futbol o'ynashlari uchun mos maydon hisoblanadi. Ayni payt "Lokomotiv kids"da futbolchilar o'z yosh toifasiga ko'ra, to'rtta guruhga bo'lingan holda mashg'ulot olib boryapti: 5-6, 7-8, 9-10 va 11-12 yoshlilar. Umuman olganda "Lokomotiv kids" filialiga 5 yoshdan 14 yoshgacha bolalarni qabul qilish ko'zda tutilgan.
Mashg'ulotlar haftasiga uch marta olib boriladi, bundan tashqari har yakshanba o'yinlar tashkil etiladi. Hozirgi kunda Akmal Elmurodov, Farrux SHomurodov, Amir Sadullaev kabi murabbiylar qo'l ostida bolajonlar futbol sir asrorlarini o'rganmoqda.
"O'zim ham "Lokomotiv"da to'p tepganim uchun bu klubga befarq emasman. Avvaliga futbolchi sifatida faoliyat olib bordim, hozir esa "Lokomotiv" futzal jamoasida o'ynab kelyapman. Yaxshi niyatlar bilan qarovsiz yotgan erni olib, maydon qurdik va sekin-asta futbolga qiziquvchi bolalarni jalb qila boshladik. "Lokomotiv" PFK Bosh direktor o'rinbosari To'labek Akramov maslahati bilan "Lokomotiv" futbol maktabi filialini tashkil etdik va "Lokomotiv kids" deb nom berdik. Bizga yaqindan yordam berib kelayotgan To'labek Abrarovichga katta rahmat, nasib qilsa "Lokomotiv kids"dan kelajakda "Lokomotiv" uchun o'ynaydigan zo'r futbolchilar etishib chiqadi", - deydi filial rahbari Bobur Ergashev.
Malumot uchun, "Lokomotiv kids" CHilonzor tumani 18-mavzeda (Orientir - "Parlament" kafesi) joylashgan bo'lib, farzandini futbolga bermoqchi ota-onalar filial rahbari Bobur Ergashevga murojaat qilishlari mumkin.
Murojaat uchun: +998909020801
Bosh sahifaga
186
