O'zbekiston? "Yalla" guruhining "Uchquduq" qo'shig'ini yaxshi ko'ramiz, futbolchilardan SHomurodovni taniyman. "Bunyodkor" o'rinbosarlari Xorvatiyada (KUNDALIK)
FOTO. Xorvatiya terma jamoasi mashg'ulot o'tadigan maydonga sayohat va stadion bosh menejerining fikrlari (KUNDALIK)
Klub o'rinbosarlari kecha mazkur yig'in doirasidagi dastlabki o'rtoqlik uchrashuvida maydonga tushishdi. Jamoaning asosiy posboni Jasur Umrzoqov uchrashuvdan oldingi chigalyozdi mashg'ulotida jarohat olgani bois Mirsaid Tursunmatov boshlang'ich tarkibdan o'rin oldi, deya olamiz. Xudoga shukurki, Jasur Umrzoqovning jarohati tekshiruvlar natijasida jiddiy emasligi malum bo'ldi. Unga zarur yordam ko'rsatilgan. Raqib avval malumot berganimizdek, Xorvatiya uchinchi ligasi vakili "Medimure".
"Bunyodkor" U-21 Xorvatiyada. Kunning birinchi yarmidagi voqealar va o'rtoqlik uchrashuvidagi raqiblar haqida (KUNDALIK)
Asosan jismoniy kuchga tayanib o'ynagan raqib futbolchilari ikki bo'limda ham "Bunyodkor"ning birgina xatosidan unumli foydalanib ketdi, xolos. O'yin tashkil qilish, himoyadan paslar orqali chiqishda vakillarimiz chakki ko'rinishgani yo'q. Ayni paytda o'rinbosarlar jamoasida yangi tarkib shakllanayotganini ham inobatga olish darkor. Hozirda Bilol Tupliev, Mahmud Mahammadjonov, Muhammadsafo Fozilov asosiy jamoa bilan Minskda, Jasur Holdorov, Mironshoh Sattorov "Olimpik" ko'rigida, Jahongir O'rozov U-20 terma jamoasida. Ularning o'rniga 2004, 2005 yilda tug'ilgan bir necha nafar futbolchilar Zagreb yig'iniga jalb qilingan. Uchrashuvning 43-daqiqasiga qadar tartibli o'yin ko'rsatgan "qaldirg'ochlar" himoyadagi yagona xato tufayli gol o'tkazib yuborishdi, 0:1. Ikkinchi bo'limda ham shunday holat takrorlandi, 0:2.
Nazorat uchrashuvi
BUNYODKOR U-21 - Medimure (Xorvatiya) - 0:2
Gol: Dorde Magdelinich, 43 - 0:1. Petar Xavoyich, 75 - 0:2.
"Bunyodkor U-21": Mirsaid Tursunmatov, SHohruh Muhsinov, Xurshid Ubaydullaev, Aleksandr Zevadinov, Tohir To'xtasinov, Muhammad Bobur Asadullaev, Bobur Yorbekov, Abduazim Ortiqov, Andrey Gulyamov, Aziz Koshibxonov, Ulug'bek Kenjaev.
"Medimure": Ivan Kalach, Jan Marijus, Ivan Tezachki, Marijan Fotak, Ivan Kegelj, Jozef Kuqi, Ivan Dakovich, Josko Rendulich, Dorde Magdelinich, Kristian Papovich, Marko Xarachi
Mazkur uchrashuvdan so'ng "Medimure" jamoasi bosh murabbiy Ivica Solomun fikrlarini bildirdi.
— Sizning jamoangiz yosh va hali etarlicha tajribaga ega emasligi sezildi. SHunga qaramay birinchi bo'limda jamoamizga muammo tug'dira olishdi. Bo'sh zonalar qoldirishmadi. Ikkinchi goldan so'ng bizga nisbatan osonroq bo'ldi, deb o'ylayman. "Bunyodkor"da yaxshi yosh ijrochilar bor ekan.
Raqib safidan aynan bir futbolchini ajratib ko'rsatish kerak bo'lsa, jamoa sardorini tanlayman. Jismoniy holati, o'yinni boshqarishi katta futbolchilarnikiga o'xshaydi. Jamoadagilarning ko'pchiligi individual kuchli. Futbolda eng muhimi to'xtab qolmaslik. Oldinga intilishlari zarur.
Jamoani sardor sifatida boshlab tushgan Xurshid Ubaydullaevning fikrlari quyidagicha bo'ldi.
— Xorvatiyadagi yig'in ko'ngildagidek ketmoqda. Evropa jamoalari bilan kuch sinashish orqali tajriba olyapmiz. Kechagi uchrashuv haqida to'xtalsam, omad va tajriba etishmadi. Raqib maydonda ustunlikka ega bo'ldi. Jamoadagi yoshlarimiz uchun bu bahs faqat foyda keltirdi, deya olaman. Ikkinchi o'yinda yuz foiz kuchimizni sarflab g'alaba qozonishga harakat qilamiz. Jarohatdan so'ng o'yinimda ancha pasayish yuzaga keldi. O'ylaymanki, oldindagi yig'inlar orqali avvalgi sport formamga qaytaman.
Uchrashuv 6 000 tomoshabinga mo'ljallangan "Mladost" arenasida bo'lib o'tdi. Maydon maysasi ajoyib holatda. Tomoshabinlar, sharhlovchilar va OAV uchun zarur sharoitlar yaratilgan.
SHarxlovchilar va OAV uchun ajratilgan xona
Bugun Ivan Boshkovich jamoaga kelib qo'shiladi va katta ehtimol bilan kechki mashg'ulotlarni o'zi o'tkazadi. O'z vaqtida "Nasaf"da porlagan Boshkovich bilan ham suhbat tashkil qilish rejamdan o'rin olgan. Bizni kuzatishda davom eting.
Bosh sahifaga
198
