Yaqinda uning jamoasi mamlakat Prezident kubogi finaliga qadar etib bordi va hal qiluvchi bahsda imkoniyatni boy berib qo'ydi. Yangi mavsum oldidan Guseynov bilan bog'lanib, fikrlarini oldik.
- Javlon, jamoangiz final uchrashuvida imkoniyatni boy berib qo'ydi. Dastlab, final borasida fikrlaringiz qanday?
- Biz Prezident kubogi finalida “Arema”ga qarshi o'ynadik. Final ikki uchrashuvdan iborat bo'ldi. Birinchi bahs mehmonda o'ynadik va 1:0 hisobida yutqazib qo'ydik. Javob o'yinida o'z maydonimizda to'p tepganimizga qaramay, raqib darvozasini gol urolmadik, yakunda 0:0 hisobi qayd etildi. To'g'risi, omadimiz kelmadi. Ikki o'yin natijasiga ko'ra, finalni boy berib qo'ydik.
- “Borneo” yangi mavsumda o'z oldiga qanday maqsadlarni qo'ygan?
- Bu yilgi maqsadlarimiz doimgidek, katta. OFK kubogida ishtirok etish uchun sovrinli o'rinlarning birini qo'lga kiritish hisoblanadi. Jamoamizning ashaddiy ishqibozlari bor. Ularga xursand qilish uchun maydonga chiqamiz. Mavsum ertaga boshlanadi. Biz 24 iyul kuni o'z o'ynimizni o'tkazamiz. CHempionat aprel oyining dastlabki haftasiga qadar davom etadi.
- Bu yil jamoa bilan shartnomangiz yakunlanadi. Undan keyingi rejalaringiz qanday?
- SHartnomam 2023 yilning fevralida yakunlanadi. Bu erda uch mavsumdan beri o'ynayotganim sababli, menga yaqin bo'lib qoldi. SHu sabab avvalo “Borneo”ning taklifini kutaman. Agar ulardan taklif bo'lmasa, boshqa jamoalarni ko'rib chiqishim mumkin.
- Indoneziyada asosan nechta jamoa chempionlik uchun kurashadi?
- Asosan beshta jamoa chempionlik uchun kurash olib boradi.
- Yaqinda internet tarmoqlarida Indoneziya 2023 yilgi Osiyo kubogini o'tkazish istagida taklif bergan. Aytingchi, mamlakat bu musobaqani qabul qilishga tayyormi?
- Xabarim bor. Bu ko'pchilik yangilik bo'ldi. Lekin 2023 yilda Indoneziyada 23 yoshgacha bo'lgan futbolchilar o'rtasida jahon chempionati bo'lib o'tadi. Menimcha, bunday ikki turnirni o'tkazishga tayyor emas. CHunki buyoqda ichki chempionat ham bor. Menimcha, Osiyo kubogi mezbonligi uchun imkoniyatlar kam. Lekin stadionlari va boshqa tomonla hamma narsa tayyor.
Bosh sahifaga
179