SHundan keyin futbolchi bilan bog'lanib, uning fikrlariga quloq tutdik.
Uzaytirilgan shartnoma borasida
- Jamoa bilan shartnomam muddatini uzaytirganimdan juda mamnunman. Lekin faoliyatimdan qoniqish hosil qilmayapman, chunki jarohatlar bo'lib, pasayish bor. SHartnoma muddatini uzaytirishimga kelsak, men qaysi jamoada o'ynagan bo'lsam, klub uchun borimni berib harakat qilganman. Kelgusi ikki yilda ham “Paxtakor” safida yaxshi o'yinlar ko'rsatib, klub tarixda yaxshi nom qoldirishga harakat qilaman.
Ikkinchi davraga tayyorgarlik xususida
- Ikkinchi davraga yangi murabbiylar qo'l ostida juda yaxshi tayyorgarlik olib bormoqdamiz. Jamoaning Qibraydagi bazasida ikki mahaldan mashg'ulotlar olib borilyapti. O'ylaymanki, biz ikkinchi davrada yanada yaxshi futbol namoyish etamiz va ijobiy natijalar ko'rsatamiz.
"Paxtakor"ning chempionlikdagi imkoniyatlari borasida
- Hech kim chempion bo'lish vazifasini bizdan olib tashlagani yo'q. Bizdan yuqorida turganlar bilan o'rtadagi farq ikki ochkoni tashkil qilmoqda. SHunday ekan, hali imkoniyatlarimiz yuqori va ikkinchi davrada barchasini ijobiy tomonga o'zgartira olamiz.
Maksim SHackix mashg'ulotlari to'g'risida
- Mashg'ulotlar juda ham qiziqarli bo'lmoqda. Xudo xohlasa, mashg'ulotlar mevasini ikkinchi davraga ko'ramiz.
Xorijdan bo'ladigan takliflar borasida
- Bu albatta klubning ixtiyorida. Agar xorij jamoalaridan taklif bo'lsa, klub meni qo'yib yuborishni istasa, bu amalga oshadi. Agar jamoada olib qolmoqchi bo'lishsa, shu erda qolaman. Har qanday holatda ham klub manfaati men uchun birinchi o'rinda turadi.
Slavko Voyneski qo'l ostida erishilgan va yo'qotilgan jihatlar haqida
- SHaxsan men hech narsa o'rganmadim. Klub nimaga erishib, nimani yo'qotganini atrofdagilar ko'rib turibdi.
Bosh sahifaga
227