U haqida murabbiylar ijobiy fikr bildirishadi. Hususan jamoa sobiq bosh murabbiyi Rolando Maran shunday fikr bildirgan: "Eldor jamoada yaxshi o'yin ko'rsatmoqda. Ko'p ishlaydi va mehnat qiladi. Foydali futbolchi lekin yanada takomillashib borishi lozim". Uning o'rnini egallagan Davide Ballardini esa hazillashadi. "U kuchli va katta salohiyatga ega. SHomurodovning italyan tilini tushunmasligi va mening fikrimni bilmasligi yaxshi".
La Gazzetta dello Sport nashriga bergan intervyusida Eldor uchta so'zni bilishini tan oldi. Bu so'zlar buongiorno, buonasera, arrivederci (xayrli tong, xayrli kech va xayr). "Lekin moslashish qiyin bo'ldi deb o'ylamayman. Jamoadagi do'stlarim yordam berishdi. Men dastlabki kunlardanoq ular bilan yaxshi munosabatdaman. Genuyaga kelayotganimda menga qiyin bo'lishini bilardim. O'zimni isbotlash uchun bitta usul bor u ham bo'lsa qattiq ishlash. Bunga doimo amal qilishga intilaman. Biror narsa amalga oshayotgan bo'lishi mumkin, ammo faoliyatim endi boshlandi. O'zbek Messisi? Meni nima uchun bunday atashlarini bilmayman",- deydi Eldor SHomurodov.
Bosh sahifaga
182
