Ispaniyalik hamkasbimiz Alfredo Martinesning so'zlariga ko'ra, agarda "Barselona" moliyaviy ishlarini La Liga moliyaviy feyr-pley qoidalari asosida tartibga sola olmasa, Liga klub yangi o'yinchilarini ro'yxatdan o'tkazishiga ruxsat bermaydi.
Agarda Frenki de Yongning maoshi sezilarli darajada kamaysa yoki u boshqa klubga sotib yuborilsa, masala kataloniyaliklar uchun ijobiy hal bo'ladi.
La Liga prezidenti Xaver Tebas avvalroq, Frenki katta summaga sotilsagina "Barsa" yangi o'yinchilarni ro'yxatdan o'tkaza olishi haqida ogohlantirgandi.
Kataloniyaning "Catalunya Ràdio"si xabariga ko'ra, futbolchi "Barselona" qolishni istasa maoshi kamayishiga rozi bo'lishga majbur. "Barsa" vakillari va futbolchi 2019 yil imzolagan shartnomaga muvofiq, shu yoz xavbekning maoshi ikki barobar oshdi.
Frenki va uning vakillari maoshning kamayishiga butkul rozi emas. O'z navbatida Xavi Frenkiga klubning shartlariga rozi bo'lmasa, mavsumni zaxira o'rindig'ida o'tkazishini "vada bergan".
Yana bir qiziq tomoni, de Yong mavsumoldi yig'inning barcha uch o'yinida markaziy himoyachi poziciyasida to'p tepdi. "Yuventus"ga qarshi o'yin tanaffusida (2:2) Frenki Erik Garsiyani alishtirdi. Xavi ixtiyorida Ronald Arauxo, Jerar Pike, Erik Garsiya va Andreas Kristensen bo'lishiga qaramay, niderlandiyalik futbolchini markaziy himoyachi poziciyasida o'ynatmoqda. Bundan tashqari yaqin kunlarda "Barsa" safiga Jyul Kunde ham kelib qo'shilishi kerak.
Bosh sahifaga
153
