Kunki kecha ushbu musobaqaning futbol o'yinlari taqvimi FIFA tomonidan tasdiqlandi. SHunday qilib 2024 yilgi Parij Olimpiadasi futbol uchrashuvlari 24 iyul kuni start oladi hamda 10 avgustga qadar davom etadi.
Ushbu musobaqada 2001 yil va undan kichik futbolchilar to'p tepish imkoniga ega bo'lishadi, shuningdek har bir terma jamoa uch nafar yoshi katta futbolchini ro'yxatdan o'tkazishi mumkin.
Yana bir yangilik shuki, tarixda birinchi marta Olimpiya o'yinlarida ayollar va erkaklar futbol musobaqalarida bir xil 16tadan jamoa ishtirok etadi. Malumot uchun, bungacha ayollar musobaqasida 12ta jamoa qatnashib kelayotgandi.
Futbol uchrashuvlari Franciyaning 7ta shahrida bo'lib o'tadi: Parij, Nant, Bordo, Lion, Sent-Etenn, Marsel va Nicca. Erkaklar musobaqasining final o'yini 9 avgust kuni "Park de Prens" stadionida, ayollar o'rtasidagi final ham shu stadionda, faqat 10 avgust kuni o'tkaziladi.
Yaxshi bilasiz, shu yilning 1-19 iyun kunlari O'zbekiston navbatdagi U-23 Osiyo chempionatiga mezbonlik qildi. Garchi vakillarimiz ikkinchi o'rinni qo'lga kiritgan bo'lsa-da, bu hech nima bermaydi.
2024 yil yana shunday musobaqa tashkil etiladi (hozircha mezbon mamlakat malum emas) va bu musobaqada Olimpiada yo'llanmasi o'ynaladi. FIFA tomonidan OFKga 4ta o'rin ajratilgan bo'lib, yarim finalga chiqqan barcha jamoalar Parij yo'llanmasiga ega chiqadi. Nasib qilsa, biz ham kuchli to'rtlik ichida bo'lamiz.
Bosh sahifaga
130
