Mahoratli futbolchi bir nechta savollarimizga javob qaytardi.
- Ikkinchi davraga tayyorgarlik qalay ketyapti?
- Mashg'ulotlar jadallik bilan olib borilmoqda. Murabbiy qattiqqo'l va tartib-intizomga jiddiy qarayapti. Ikkinchi davraga tayyormiz. O'ylaymanki, "Dinamo" bilan uchrashuvda chiroyli o'yin ko'rsatamiz.
- Yangi bosh murabbiy Maksim SHatskix haqida nima deya olasiz?
- U tartibga jiddiy ahamiyat qaratadigan murabbiy ekan. Ulkan tajribasi borligi sezilib turibdi. Har bir futbolchi bilan individual shug'ullanmoqda.
- Birinchi davrada sizda jismoniy tayyorgarlik bo'yicha kamchilik sezilgandi...
- Hammada o'z uslubi bor. Hozir biz ko'proq jismoniy holat ustida ishlayapmiz, bunga jiddiy ahamiyat beryapmiz. Umid qilamanki, ikkinchi davrada tartibli futbol ko'rsatib, chempionga aylanamiz.
- Superliga birinchi davrasida juda kam, yani bor-yo'g'i 5 ta o'yin o'tkazdingiz. Vaholanki, undan oldingi mavsumda nisbatan ko'proq harakat qilgansiz. Hozirgi holatingizdan kelib chiqib ikkinchi davrada ko'proq o'yinda qatnashaman, deb o'ylaysizmi?
- Har bir murabbiyning o'z rejasi bo'ladi. Ha, birinchi davrada kam o'ynadim. Biroq bu o'z aybim bilan yuzaga keldi degan fikrdaman. Ehtimol, o'z ustimda kamroq ishlagandirman. Hozir raqobat kuchli. O'ylaymanki, ayni paytda har taraflama yaxshi sport formadaman.
- Siz uchun eng qulay poziciya qaysi?
- Men uchun eng qulayi – qanotda o'ynash. Murabbiy qaysi chiziqqa qo'ysa, jamoaga o'sha erda foyda keltirishga harakat qilaman.
Yangi legionerlar qatnashgan "Paxtakor"ning bugungi mashg'ulotidan GALEREYA
Bosh sahifaga
131
