- “Dinamo” 12 yil deganda “Paxtakor” darvozasiga 2 ta gol urdi.
- Buni bilmas ekanman. Endi chempionatda oson o'yinlar qolgani yo'q. “Dinamo” ham Superligada qolishga harakat qilmoqda. Boydullaev, Grigalashvili, Mahmudxo'jaevlar keldi. 2-davrada ular ko'plab jamoalar qiyinchilik tug'diradi deb o'ylayman.
- Murabbiy almashganidan keyin qanday o'zgarishlar bo'ldi deb o'ylaysiz? SHackix xohlayotgan futbol qanday?
- Albatta, hamma murabbiy futbolga har xil qaraydi. SHackix intensiv va oldinga o'tishga qaratilgan futbolni xohlamoqda: paslar kamroq, oldinga ochilgan o'yinchilarga uzatmalar, hujumni zarba bilan yakunlash.
- Uzoq yil Odil Hamrobekov bilan birga maydonga markazida o'ynadingiz. Hozir esa Aliboev yoningizda, Odil esa orqaroqda harakat qilmoqda. Qaysi variant sizga qulayroq?
- Endi Aliboev men kabi hujumga ko'proq etibor qaratadigan futbolchi. Hozir o'yinchilar kamligi tufayli, u tayanch zonasida o'ynamoqda. Bu poziciya Hamrobekovga xos deb o'ylayman. Yangi himoyachi keldi, bugun maydonga chiqmadi va keyingi o'yinlarda Odil tayanchda o'ynasa kerak.
- Turnir jadvalining yuqori qismida zichlik yuzaga kelgan. Har bir o'yin qizg'in tus olmoqda. SHu kabi O'zbekiston chempionatida 6-7 ta jamoa kurashgan mavsumni eslay olasizmi?
- Bunaqasi esimda emas-ku, ammo oxirgi marta shu kabi holat 2018 yil bo'lgan. “Lokomotiv” va “Paxtakor” oxirgi turlargacha kurashgan. “Navbahor” ham boshida oltitalikka bo'lingandan keyin peshqadamlar qatorida turgan, ammo keyin pastga tushib ketgandi. Asosan ikkita jamoa edi, ammo 3-4 tasi kurashganini eslolmayman.
- Bu yil amaldagi chempionlikni saqlab qolishga intilmoqdasiz. Eng xavfli raqib sifatida kimni ko'rasiz?
- Asosiy raqib – “Paxtakor”ning o'zi. Agar o'z o'yinimizni namoyish etsak, “Nasaf” va “Navbahor”ni ham yutishga qodirmiz.
Faxriddin Ro'ziev yozib oldi
Bosh sahifaga
91
