Oston O'runov Rossiyaning boshqa klubiga o'tishga yaqin

Championat.Asia malumotiga ko'ra, Ostonga Rossiya premer-ligasi ishtirokchisi "Ximki" klubi jiddiy qiziqmoqda, ammo ikkita muammo bor.

Birinchidan, O'runov maoshining kamayishiga rozi bo'lmayapti. Katta ehtimol bilan "Spartak" futbolchini ijaraga beradi va uning maoshining bir qismini o'zi to'lab boradi.

Ikkinchidan, "Ximki"ga yangi futbolchilarni ro'yxatdan o'tkazish bo'yicha taqiq qo'yilgan. Barchasiga futbolchi Aleksandr Dolgov oldidagi qarzdorlik sabab bo'ldi. "Ximki" vakillari yaqin vaqt ichida bu muammoni hal qilishlarini malum qilishgan.

"Ximki"ga qo'yilgan taqiq olib tashlansa, O'runovni ro'yxatdan o'tkazishi mumkin. Malumot uchun, Rossiya premer-ligasida transfer oynasi bir oydan keyin yopiladi. Ayni paytda "Ximki"da sobiq futbolchi Sergey Yuran bosh murabbiy hisoblanadi.