"Ko'rganingizdek, o'yinni yomon boshladik. Bahs boshidanoq 2 ta gol o'tkazib yuborganimiz tufayli 2-3 ta o'zgarish qilishga majbur bo'ldik. Futbolda o'yini chiqmagan futbolchi almashtiriladi. Murabbiylar shtabi to'g'ri qarorga kelib, o'yinni qutqarib qoldi. Hamma yigitlarga so'nggi soniyalargacha kurash olib borishgani uchun rahmat aytaman. Muxlislarimizni g'alaba bilan tabriklayman va ularga minnatdorlik bildiraman", – dedi Baqoev.
- "So'g'diyona" dastlabki 20 daqiqada o'ziga o'xshamadi...
- Aytib o'tganimdek, o'yinimiz chiqmadi. Uyg'onganimizda kech bo'lgandi, chunki darvozamizdan allaqachon 2 ta to'p olib chiqqan edik. "Paxtakor" kabi jamoa bilan sust o'ynab bo'lmaydi. Nafaqat "Paxtakor", balki har qanday jamoa bilan oxirgi daqiqalargacha o'ynash, astoydil kurashish kerak. Biz O'zbekiston chempioni bilan o'ynaganimizni unutmasligimiz kerak. Ularda mahoratli futbolchilar talaygina. 0:2 yutqaza turib, jangovar durang qayd etdik. O'ylashimcha, biz ochkoga ega bo'ldik, "Paxtakor" esa 3 ochko yo'qotdi.
Bosh sahifaga
104