Unda dastlab "Aral Samali" klubi bosh direktori Dauletmurat Bekmuratov fikrlarini bildirdi.
"Mashal" jamoasini g'alaba bilan tabriklayman. Yirik hisobdagi mag'lubiyatga kelsak, jamoamizda yosh futbolchilar yig'ilgan. Ularning ayrimlari 2004-2005 yilda tug'ilgan bolalar. Muborak shahri jamoasi avvaldan kuchli bo'lib kelgan. Qo'l ostimizdagi yosh futbolchilar bilan keyingi uchrashuvlarda g'alaba qozonishga harakat qilamiz ",- deydi klub bosh direktori.
- Bugungi uchrashuv qaydnomasida "Aral Samali"da bosh murabbiy yo'qligini ko'rdik...
- Bosh murabbiyimiz bor. Timur Turdiev keyingi uchrashuvlarda biz bilan keladi.
- Jamoa suniy maydonda o'ynab kelmoqda. Tabiiy maydonga o'tish rejada bormi?
- Istasak yoki istamasak Qoraqalpog'iston sharoitida tabiiy maydon o'stirish qiyin. Bugungi o'yinga maydonga tasir qildi baribir. CHunki biz suniy maysada tayyorgarlik ko'ramiz. To'p boshqacha harakatlanadi.
- Jamoaning Pro ligadagi maqsadlari qanday? Yozgi transfer vaqtida 10 nafar futbolchini tark etishi moliyaviy holatdanmi?
- Moliyaviy holatimizni yashirishni hojati yo'q. Ketgan futbolchilar o'rniga yoshlarni jalb qildik.
- Rahbariyat safar o'yinlariga mablag' ajratyaptimi?
- Biz o'zimizga qulay bo'lgan transport vositasida qatnayapmiz.
Bosh sahifaga
215