“Qizil iblislar” o'tgan mavsum yakunlariga ko'ra, APLda 6-o'rindan joy oldi va Evropa Ligasiga ravona bo'ldi.
Endi 37 yoshli portugaliyalik manchesterliklar bilan birga o'zi uchun noodatiy bo'lgan musobaqada qatnashishiga to'g'ri keladi. Ko'pchilik Ronaldu Evropa Ligasida debyut qilishi haqida aytmoqda, ammo forvard 2002 yil “Sporting” safida bu turnirda o'ynagan.
To'g'ri, o'shanda musobaqa UEFA Kubogi deb atalgan va formati biroz boshqacharoq edi, lekin g'oliblarni hisoblashda umumiy turnirdagi natijalar hisobga olinadi.
Lissabonliklar o'shanda saralashning ilk bosqichida “Partizan”ga (1:3, 3:3) engilgan. 16 yoshli Ronalduning evrokubokdagi yurishi shu tariqa omadsiz start olgandi. U ikkala o'yinda ham (birichisida zaxiradan tushgan, javob o'yinida asosiy tarkibda) ishtirok etgan, ammo gol urolmagan.
Malumot o'rnida, UEFA Kubogi 1971 yil tashkil topgan. Musobaqa 2009 yildan Evropa Ligasi nomini olgan.
“Manchester Yunayted” 2017 yil chempion bo'lgan bo'lsa, 2021 yil finalda “Vilyarreal”ga imkoniyatni boy bergandi.
MYUdan tashqari bu mavsum ELda qatnashadigan taniqlilar qatorida “Roma”, “Arsenal”, “Lacio”, “Feyenoord” kabi klublar bor.
Demak, Ronaldu Evropa Ligasi (UEFA Kubogi)dagi gollari hisobini ochishga yaqin turibdi. Musobaqa to'purari Xenrik Larsson (40 ta) hisoblanadi. Bir mavsumda gol urish bo'yicha rekord Radamel Falkao (17 ta) tegishlidir. Eng ko'p titulni esa “Sevilya” (6 ta) qo'lga kiritgan.
Eslatib o'tamiz, Evropa Ligasi 2022/23 yilgi mavsum guruh bosqichiga 26 avgustda qura tashlanadi. Asosiy o'yinlar esa 8 sentyabrdan start oladi.
Bosh sahifaga
286