Malumki, “O'zbekneftgaz” akciyadorlik jamiyati Boshqaruvi raisi, “Bunyodkor” futbol klubi prezidenti Mehriddin Abdullaev “Bunyodkor” akademiyasi faoliyatiga doir o'tkazgan tanqidiy ruhdagi yig'ilishida akademiyada tub islohotlarni amalga oshirish lozimligini va bu jarayonni tezlashtirish zarurligini takidlab, masul mutaxassislarga tegishli topshiriqlarni bergan edi. Kuni kecha mazkur topshiriqlarning ijrosi asosida “Bunyodkor” akademiyasi tizimida qator o'zgarishlar amalga oshirildi. Xususan, taniqli mutaxassis Islom Ahmedov “Bunyodkor” akademiyasi texnik direktori lavozida ish boshladi. SHuningdek, bir nechta akademiya jamoalarining murabbiylar shtabida ham o'zgarish va “rokirovka"lar yuz berdi. Tajribali murabbiy Rustam Zabirov 1-liga ishtirokchisi “Bunyodkor-2” ustoziga aylangan bo'lsa, Jamoliddin Rahmatullaevga “Bunyodkor” U-19 jamoasi ishonib topshirildi. O'FA birinchiligida qatnashayotgan “Bunyodkor” U-18ga o'z vaqtida “qaldirg'ochlar” libosida to'p surib, ishonchli o'yinlari bilan muxlislar mehrini qozongan Anvar Rahimov boshchilik qiladi. Qolaversa, Toshkent shahar chempionati – 2-liga bahslarida ishtirok etadigan ikki jamoaning murabbiylar shtabida ham o'zgarish bo'ldi. SHu kunga qadar “Bunyodkor” U-19 bosh murabbiyi lavozimida ishlagan Rinat Miftaxutdinov “Bunyodkor-A”, o'zbek futbolida metin himoyachi nomini olgan, 2010 yilgi mavsumda “qaldirg'ochlar” libosini kiygan Hikmat Hoshimov “Bunyodkor-B”ga boshchilik qiladi.
1-LIGA
“BUNYODKOR-2”
Bosh murabbiy: Rustam Zabirov.
Murabbiylar: Mirkamol Qosimov, Aziz Hoshimov.
Darvozabonlar murabbiyi: Oleg Qahhorov.
U-19 BIRINCHILIGI
“BUNYODKOR” U-19
Bosh murabbiy: Jamoliddin Rahmatullaev.
Murabbiy: Samat Narziqulov.
Darvozabonlar murabbiyi: Aleksey Roshin.
SHifokor: Xusan Yo'ldoshev.
O'FA U-18 BIRINCHILIGI
“BUNYODKOR” U-18
Bosh murabbiy: Anvar Rahimov.
Murabbiy: Yusuf Ergashev.
TOSHKENT SHAHAR CHEMPIONATI - 2-LIGA
“BUNYODKOR-A”
Bosh murabbiy: Rinat Miftaxutdinov.
Murabbiy: Firdavs Kenjaev.
“BUNYODKOR-B”
Bosh murabbiy: Hikmat Hoshimov.
Murabbiy: Botir Zohidov.
Bosh sahifaga
164