Malumot uchun, Meliev birinchi davrani aynan “Yangier-quruvchi” safida o'tkazgan va davralar oralig'ida “Buxoro”ga ko'chib o'tgandi.
- Biz mazkur bellashuvga astoydil tayyorgarlik ko'rgan edik. Buni esa maydonda ko'rsata oldik. Hisob yanada yirik tarzda yakunlanishi mumkin edi. Lekin ko'plab imkoniyatlarimizdan foydalana olmadik. Xudoga shukrki, ikkinchi davrani o'z muxlislarimiz qarshisida g'alaba bilan boshladik. Qolgan o'yinlarga ham tayyorgarlikni davom ettiramiz.
“Buxoro”ga o'tishi xususida
- Avvalo “Yangier” jamoasi rahbariyati va murabbiylariga meni to'g'ri tushungani uchun minnatdorchilik bildiraman. Davralar oralig'i vaqtida “Buxoro”dan taklif tushdi. Bosh murabbiy Hakim Fuzaylov bilan ilgari birga ishlaganim sababli, shaxsan o'zlari meni o'z jamoasiga taklif qildi. Bilasiz, jamoa yana Superligaga qaytishni rejalashtirmoqda. SHu sabab jamoani almashtirishga qaror qildim.
Superliga yo'llanmasi uchun kurash xususida
- Jamoadagi barchaning maqsadi “Buxoro”ni yana Superligaga qaytarish hisoblanadi. Buni barchamiz yaxshi bilamiz va tushunib turibmiz. Oldinda turgan o'yinlarda ijobiy natijalar orqali vazifani bajara olamiz.
Oxirgi vaqtlarda tez-tez jamoa almashtirishi borasida
- Tez-tez jamoa almashtirib turish hech qaysi futbolchiga ham yoqmasa kerak. Bunga sabab bizdagi klublarning kelajak uchun tuzgan rejalari uzoq yillik bo'lmagani deya olaman. Odatda, klublarimiz o'z oldiga bir yillik reja tuzadi va shuning uchun futbolchilar bilan ham bir yillik shartnoma qilinadi. Yangi mavsumda esa jamoada yangi homiy, rahbariyat almashadi. Qolaversa, murabbiylarni almashtiradi. Qarabsizku, futbolCHilar ham shu tartibda yana yangi jamaoga yo'l olishmoqda. Agar jamoa o'z oldiga reja tuzib, uzoq yillik maqsadlarni qo'yganida edi, futbolcilarni ham shunga qarab tanlab uzoq yillik bitim imzolagan bo'lardi.
Har bir futbolchi klub bilan uzoq yillik shartnoma qilib, jamoa uchun boringizni berishga va sodiqlik bilan muxlislarini xursand qilishni istaydi.
Bosh sahifaga
186