Tarkibda etiborga molik o'zgarishlarni ko'rish mumkin. Xususan o'tgan mavsum U-18 Birinchiligida porlagan Diyor Toirov ayni damda Andrey SHipilov qo'li ostida shug'ullanayotganini aytish lozim. Andijon futbol akademiyasining tarbiyalanuvchisi bo'lgan ushbu iqtidorli hujumchi o'tgan mavsum U-18 Birinchiligida bir qator gollar urib, to'purarlik mahoratini namoyish etgandi. SHundan keyin 18 yoshli futbolchini “Andijon” bosh murabbiyi Otabek G'ulomxo'jaev asosiy jamoa mashg'ulotlariga jalb etganida ko'pchilik muxlislar Toirovni bu yil Superligada “Andijon” safida debyut mavsumini o'tkazishini tahmin qilgandi. Asli namanganlik bo'lgan Diyor Toirov bu yil “Andijon-Akademiyasi”ni tamomlaydi. Biroq, Toirovning kelajagi porloq ekanligini payqagan “Metallurg” selekcionerlari uni darhol jamoaga taklif etib, kelishuvga erishgan ko'rinadi.
Yodingizda bo'lsa, 2019 yili “Andijon” safida kashfiyotga aylangan SHahzod Ubaydullaevning ham iqtidorini ko'rgan “Metallurg” rahbariyati uni “Mashal” klubidan transferini to'liq sotib olib, o'z tarkibida bir mavsum o'ynatgan xolda yaqinda Belorussiyaning “SHaxtyor” jamoasiga 150 000 AQSH dollariga transfer qilib, yaxshigina foyda ko'rdi.
Ajab emaski, Diyor Toirov ham joriy mavsum “Metallurg”da yorqin o'yinlari bilan xorij klublarining etiboriga tushsa.
Bosh sahifaga
296