O'yin haqida
- O'yin qiyin ruhda o'tdi, sababi bugungi uchrashuv rejadan tashqaridagi holatlar bilan boshlangani uchun mag'lubiyatga uchradik deb aytsam, mubolag'a bo'lmaydi. Birinchi bo'limda yaxshi o'yin ko'rsatdik, bazi imkoniyatlarga ega bo'ldik va ulardan foydalana olmadik. Ikkinchi bo'limda esa o'yinga bo'lgan etiborni susaytirganimiz tufayli ikkita gol o'tkazib yubordik. "Nasaf" Superligada etakchi klublardan biri, ular CHempionlar ligasida ham ishtirok etadi. O'tgan mavsumdan buyon bu jamoani yaqindan bilaman. Bugungi o'yinda kartochkalar ko'payib ketgani sababli bazi futbolchilarimiz ishtirok eta olishmadi. Bu ham mag'lubiyatga uchrash omillarimizdan biri edi. Endilikda keyingi o'yinga tayyorgarlikni davom ettiramiz.
- Damir Temirov diskvalifikaciya sababli maydonga tusholmadi. Uning o'rniga tarkibga kiritilgan Behro'z SHodmonov ham 20 daqiqa o'ynamasdan jarohatini qaytalab oldi. Hujumchi ortidagi futbolchilarning yo'qotilishi rejalaringizga qay darajada tasir qildi?
- Bu hafta qiyin bo'ldi, sababi sariq kartochkalardan tashqari jarohat olgan o'yinchilarimiz bor edi. SHunga qaramasdan, yo'qotishlarning o'rnini to'ldirishga harakat qildik. Kerakli futbolchilarning maydonda yo'qligi baribir tasir o'tkazdi. Behro'z ham jarohat bilan o'ynashga majbur bo'ldi.
- Bugun yosh futbolchi Bektemir Abdumannonov debyutini o'tkazdi. U qanchalik ishonchi oqladi, keyingi o'yinlarda ham unga imkon beriladimi?
- Albatta, Bektemirga kelgusi bahslarda imkon beramiz. U Olmaliqdagi o'yinda maydonga tusha olmagan bo'lsa-da, yoshlar ligasida samarali harakat qilib, gol urishga erishdi. Abdumannonov juda mehnatkash o'yinchi. Unga albatta, imkon beriladi", — dedi bekobodliklar ustozi.
Bosh sahifaga
194