"Bugungi uchrashuvni yutishimiz shart edi. Asosiysi, natija. Xatolar keyingi darajada. Birinchi bo'limda yaxshi o'ynadik. Tanaffusdan keyin xatolar kuzatildi. Bunga nima sabab bo'lganiga tushunganim yo'q. Bularni albatta ko'rib chiqamiz va xulosa qilamiz. Qolaversa, himoyachilarimiz tartibli futbol o'ynagani yo'q", – dedi Kumikov.
- O'yindan qoniqdingizmi?
- Natijadan qoniqish hosil qildim, o'yindan esa yo'q. Hujumda rejadagidek o'yin ko'rsatdik. Gol urdik va qarshi hujumda harakat qildik. Himoyada esa ishlarimiz o'zimiz kutganchalik chiqmadi.
- Oxirgi daqiqalarda jamoaga nimadir bo'ldimi?
- Aytdim-ku, men ham tushunmadim. Asosiy xato markaziy himoyada yuz berdi. Adashmasam, uchta holatda himoyachilarimiz o'z darajasida o'yin ko'rsatgani yo'q.
- "Turon" oxirgi daqiqaga qadar hujum qildi...
- Albatta, raqib 0:1 hisobida yutqazyapti, tabiiyki, ular hujumga o'tishadi. Xattoki, markaziy himoyachilari ham hujumda ko'rinish berdi. Menga qolsa, ko'p hujum qilib, yutqazgandan ko'ra himoyaviy o'ynab, g'alaba qozonganimiz yaxshiroq.
- Keyingi o'yinga taktika qanday ko'rinishda bo'ladi?
- Faqat yutuq uchun bo'ladi, albatta.
Bosh sahifaga
165