O'tkazilgan 105 o'yinda hakamlar 48 bor 11 metrli nuqtaga ishora qilishdi. Oldinroq penaltidan eng ko'p foydalangan jamoalar haqida malumot bergandik. Endi jabrdiydalarga to'xtalamiz.
Barchadan ko'p penalti tepayotgan "Surxon" ayni paytda undan eng ko'p aziyat chekayotgan klub bo'lib turibdi. Termizliklar darvozasiga bugungacha 8 bor 11 metrli jarima belgilandi (ulardan 7 tasi golga aylangan).
2-o'rinda yana sensacion ravishda "Paxtakor" qayd etilgan. Hakamlar jami 6 bor "sherlar" darvozasiga penalti belgilagan bo'lsa, ulardan 3 tasi golga aylandi.
FAKT: 2021 yilgi mavsumda "Paxtakor" darvozasi tomon faqat 1 bor penalti tepilgan, ammo zarba muvaffaqiyatsiz chiqqan edi (yani, amaldagi chempion o'tgan mavsumda 11 metrli nuqtadan umuman gol o'tkazmagan).
"Navbahor" jarima maydonidagi nuqtani bu yil faqatgina Akobirxo'ja SHukurullaev ko'rsatdi.
FAKT: O'tgan mavsumning 5-turida Firdavs Norsafarov "Navbahor" darvozasiga "11" belgilagan vaziyat katta janjalga sabab bo'lgandi ("Paxtakor" bilan o'yinda). SHundan keyin o'tkazilgan 36 turda O'tkir Yusupov darvozasi tomon atigi 2 marta penalti qo'yildi.
Demak, Samvel Babayan o'z shogirdlariga jarima maydonida toza o'ynashni o'rgata olibdi.
2022 yil bu borada faqatgina "Metallurg" "Navbahor"dan tozaroq o'ynayapti. Hozircha bekobodliklar darvozasiga penalti tepilgani yo'q. To'liq jadval (Narzulla Saydullaev bilan birgalikda tayyorlandi):
| klub nomi | penalti | gol | |
|---|---|---|---|
| 1 | "Surxon" | 8 | 7 |
| 2 | "Paxtakor" | 6 | 3 |
| 3 | "Qizilqum" | 5 | 5 |
| 4 | "Dinamo" | 5 | 5 |
| 5 | "Olimpik" | 5 | 3 |
| 6 | "Lokomotiv" | 3 | 3 |
| 7 | "Neftchi" | 3 | 3 |
| 8 | "Bunyodkor" | 3 | 2 |
| 9 | AGMK | 3 | 2 |
| 10 | "So'g'diyona" | 3 | 2 |
| 11 | "Nasaf" | 2 | 2 |
| 12 | "Qo'qon-1912" | 2 | 2 |
| 13 | "Navbahor" | 1 | 1 |
| 14 | "Metallurg" | 0 | 0 |
Muallifning telegramdagi kanali → FA| futbol ANALIZI
Bosh sahifaga
189