- O'yin haqida
- O'yin juda keskin ruhda kechdi. Talaygina imkoniyatlar yuzaga keldi. Ikki jamoa ham turnir jadvalida o'ziga yarashmaydigan o'rinlarda ketayotgani bois g'alaba muhim edi. Asosiy vazifamiz 3 ochkoni qo'lga kiritish edi, ammo buning uddasidan chiqa olmadik. Ikkinchi taymda bir kishi ko'p bo'lib o'ynaganimizga qaramasdan, aytarli vaziyatlar yarata olmadik, chunki "Bunyodkor" yaxshi himoyalandi va qarshi hujumga o'tib ketishga urindi. Umuman, bu reja ularga ish berdi. Umumiy qilib olganda, o'yin teng kurashlar ostida o'tdi.
- Bugun ikki jamoaning ham kuni emas ekan. 3 ta gol hisoblanmadi, penaltidan to'p kiritilmadi, yana bir penalti bekor qilindi. Bugun ikki jamoa uchun "qora kun" desak bo'ladimi?
- Bilmadim. Bu – futbol. Hamma narsa bo'lishi mumkin. Penaltidan bazida gol uriladi, bazida esa yo'q. VAR bor edi, balki bekor qilib to'g'ri qilgandir. Hali ko'rmadim. "Qora kun" deb aytolmayman, lekin omadsiz kun bo'ldi deyishim mumkin. Balki penaltidan unumli foydalanganimizda, hammasi boshqacha bo'lardi.
- Penalti tepishni nega Jasur Jaloliddinovgi ishonib topshirdingiz? Odatda jamoa sardori tepardi...
- Odatda biz kim ko'proq tepishini va undan foydalana olishini inobatga olib, standart ijrochilarini belgilab olamiz. Birinchi davrada Diyorjon Turopov ko'p tepardi. Goh u, goh Kaxi Maxaradze penalti tepuvchimiz edi. Bu gal biz buni Jasur Jaloliddinovga ishonib topshirdik. Hechqisi yo'q, keyingi safar unumli foydalanadi.
Bosh sahifaga
172