Coca-Cola Superligasining so'nggi 3 ta turida raqiblari bilan murosa ko'chasini tanlagan jamoa endilikda o'z omadini O'zbekiston Kubogida sinab ko'radi. Mana shu bahslarda "shunqorlar"ning 3 ta goliga mualliflik qilgan SHohnazar Norbekov saytimiz muxbiri Abdulaziz Iskandarovga fikrlarini bildirdi.
- Oldinda jamoani "Qizilqum" bilan muhim bo'lgan bahs kutmoqda. O'yinga tayyorgarlik qanday ketyapti?
- Kuniga ikki maxaldan hozirlik ko'rmoqdamiz. Kubok o'yiniga jiddiy munosabatda bo'lish kerak, deb o'ylayman. Umid qilamanki, muxlislarimizni xafa qilib qo'ymaymiz.
- Ikkinchi davrada "Qo'qon-1912"ga kelib yana gollar urishni boshladingiz...
- Bu erda barcha yigitlar imkoniyatlarimni juda yaxshi bilishadi. "Metallurg"da unday emasdi. Gollarim birgina meniki, deya olmayman. Jamoadoshlarim yaxshi pas berishyapti. Kerakli vaziyatga olib chiqishmoqda. SHunday ekan, bunda barchaning hissasi bor.
- Bu erda qandaydir bog'liqlik bordek guyo...
- Aytganimdek, jamoadagilar bilan bir-birimizni yaxshi tushunamiz. Xarakterim biroz og'irroq. Bunda o'zaro chiqishib ketish muhim hisoblanadi. Biz bitta oilamiz. Jamoada barcha bir-biriga yordam beradi.
- "Metallurg"da o'zingizni ko'rsatishingiz uchun nima to'sqinlik qildi?
- Hammasi joyida edi. Murabbiyning taktikasi men o'ynaydigan futbolga to'g'ri kelmadi. Ispancha futbolini tushunmadim. Futbolchi bo'lib maydondan zavq olib chiqib ketmasangiz, u futbol o'ynash bo'lmaydi. Hujumchi uchun bitta o'yinda kamida 2-3 ta vaziyat bo'lishi lozim. Undan kami achinarli holatdir. "Metallurg"da 8 turda 1 ta vaziyat yuzaga keldi.
- Ikkinchi davra startidagi o'yinlarning qaysi birida jamoa g'alabaga haqli edi?
- Uchta uchrashuvning barida yutishimiz mumkin edi. Yo'q joydan gollar olib keldik. Bizdan g'alaba kutishmoqda.
Bosh sahifaga
63