Kazemiro: "U eng yaxshisi, umid qilamanki u MYUda qoladi"

"Yoddan chiqarmang, men dunyoning eng yirik klublaridan biriga o'tdim. Ushbu klub buyuklik borasida "Real" bilan bemalol raqobatlasha oladi.

Ronaldu bilan hozircha gaplashganim yo'q. Umid qilamanki, u jamoada qoladi, chunki u barcha davrlarning eng yaxshi futbolchilaridan biri.

"Manchester Yunayted"ga o'z qadriyatini qaytarishga harakat qilaman. Buni "Real" menga yaxshi o'rgatgan: har kuni mashg'ulotlar orqali g'alabaga erishish yo'lini topish.

Premer-ligani ichidan tomosha qilishni istayman. 30 yoshimda faoliyatimning cho'qqisiga chiqdim. Umid qilamanki, faoliyatimning ushbu qismidan zavq olaman", - dedi Kazemiro.