- Bugun o'z xatolarimiz evaziga mag'lubiyatga uchradik. Kubok o'yini bitta bahsdan iborat bo'lganligi uchun bu uchrashuvga puxta tayyorgarlik ko'rgandik. Sen gol urmasang, senga urishadi, degan yozilmagan qonun bekorga aytilmaydi. Mezbonlar yaratilgan 3 ta imkoniyatning 2 tasidan foydalandi. Birinchi bo'limning o'zida o'yin taqdirini hal qilish imkoniyatiga ega edik. “Qizilqum” jamoasini keyingi bosqichga chiqqani bilan tabriklayman. Ularga omad tilayman. SHu o'rinda Qo'qondan kelib jamoamizni qo'llab-quvvatlagan muxlislarimizga alohida minnatdorchilik bildiraman.
- Davron Oripovich, o'zingiz aytganingizdek, ko'plab imkoniyatlardan foydalana olmadik. Bungacha har o'yinda gol urib kelayotgan SHoxnazar Norbekov asosiy tarkibdan o'rin olmadi. Buning sababi nimada?
- “Navbahor” bilan uchrashuvda ikkita hujumchimiz jarohat olib safdan chiqishdi. Hozir bitta hujumchi qoldi. Norbekovni boshidan maydonga tushirmaganimiz bu o'ziga xos taktik yurish edi. Ro'ziev ham, Sidiqov ham hujumda o'ynay oladi. Agar hujum yo'q bo'lganida biz vaziyatlarga ega bo'lmasdik. Faqat uchrashuv bitta o'yindan iboratligi uchun biroz taktik yurish qilgandik. Keyingi o'yinga Norbekovni saqlash va kerakli paytdagina bugun o'yinga tushirishni rejalagandik. Balki bugungi bahsda natija biz uchun qoniqarli bo'lib turganida rejamiz bo'yicha Norbekov umuman maydonga tushmasligi ham mumkin edi. Bu futbol. Unda xatolar bo'ladi. Xatolar ustida ishlayapmizu, baribir yana o'sha xatolar takrorlanyapti. Demak, yana ishlashga va xatolarni to'g'rilashga harakat qilamiz.
- Javohir Sidiqovni o'yiniga qanday baho berasiz?
- Mag'lubiyatga uchragandan keyin nima deyish mumkin? Ertadan “Metallurg” bilan uchrashuvga tayyorgarlik boshlanadi. Hozir ehtirosli o'yindan so'ng bir nima deyish qiyin. Videotakrorni ko'rgandan keyin baho bersa bo'ladi. Agar vaziyatlarni sanab bering desangiz, sanab berishim mumkin.
Bosh sahifaga
67