Xabaringiz bor, OFK SHarq mintaqasi pley-off o'yinlarini avgust oyida, G'arb mintaqasi pley-off bahslarini esa keyingi yil fevral oyida o'tkazishga qaror qilgandi.
SHarq mintaqasi finalida Koreyaning "CHonbuk Xyunday Motors" va Yaponiyaning "Urava Red Daymonds" klublari to'qnash kelishdi. "Saitama 2002" stadionida o'tgan, eronlik Alirizo Fag'oni boshqarib borgan bahsda hisob 11-daqiqada yaponiyaliklar vakili Yusuke Matsuo tomonidan ochildi - 0:1. Uchrashuvning 55-daqiqasida Sin Xo Payk penaltidan to'p kiritib, hisobni tenglashtirdi - 1:1. Asosiy vaqtda boshqa gol urilmadi.
Qo'shimcha taymlar tugayotganda dastlab Gyo Von Xan "CHonbuk"ni oldinga olib chiqdi, 120-daqiqada esa Kasper Yunker hisobni tenglashtirdi - 2:2. Penaltilar seriyasida omad "Urava"ga kulib boqdi - 3:1.
"CHonbuk Xyunday Motors" - "Urava Red Daymonds" 2:2 (Penaltilar seriyasi: 1:3)
Gollar: Sin Xo Payk 55, Gyo Von Xan 116 - Yusuke Matsuo 11, Kasper Yunker 120.
SHu tariqa "Urava Red Daymonds" o'z tarixida to'rtinchi bor Osiyo chempionlar ligasi finaliga chiqdi. 2007 va 2017 yillarda finalda g'olib bo'lgan mazkur klub, 2019 yilgi hal qiluvchi bahsda imkoniyatni boy berib qo'ygandi.
Eslatib o'tamiz, bu mavsumdagi OCHL finali 2023 yilning 19 va 26 fevral kunlari bo'lib o'tadi.
 Jeonbuk FC Seung-Ho Paik - 55', Gyo-Won Han - 116', Jin-Seob Park - 121' | AFC Champions League Final Stage . Semi Finals-tur 25/08/2022, 15:30 5 : 3 Tugadi |  Urawa Red Diamonds Yusuke Matsuo - 11', Kasper Junker - 120', Alexander Scholz - 121', Kasper Junker - 121', Ataru Esaka - 121' |
Bosh sahifaga
94