A Seriya. "Inter" – "Yuventus" (matnli translyaciya)

49. Lukaku o'ng qanotda Kellini bilan kurash olib bordi, shundan so'ng to'pni narigi qanotga uzatmoqchi bo'ldi, biroq Rabo to'pni olib qo'ydi.

47. Bentankur to'pni o'ng qanotga Morata tomon yo'naltirdi, Bastoni ishonch bilan harakatlandi va "Yuventus" hujumchisiga imkoniyat qoldirmadi.

46. Ikkinchi bo'lim boshlandi! 

Birinchi bo'lim tugadi. Hozircha hisob – 1:0. Tanaffus! 

45+2. Kellini Lukakuni yiqitdi va hakam qoida buzish qayd etdi. 

Birinchi bo'limga 2 daqiqa qo'shildi. 

44. Barella chililik sherigi Arturoga pas berdi, uning zarbasi esa osmon-u falakka yo'naltirildi.   

43. Kellini va Lukaku kurash olib bordi, Lukaku qoidani buzdi. 

41. Zarba!  "Inter"dan yana bir keskin hujum, Barellaning zarbasi xavfli chiqdi, biroq darvozabon o'z o'rnida!  Bundan oldinroq SHensni va Lukaku o'zaro to'qnashib ketishdi, hujumchiga tibbiy yordam ko'rsatildi.  

38. "Inter" tezkor hujum uyushtirdi, Barella o'ng qanot orqali ichkariga kirib bordi, Lukakuga pas... uning zarbasini esa darvozabon ushlab oldi.   

36. Bonuchchi Martinesga nisbatan ishlatgan qo'polligi uchun ogohlantirildi. 

35. Danilo Martinesga nisbatan qoidani buzdi. 

33. Zarba!  Ronalduning olis masofadan chap oyoqda bergan zarbasiga aniqlik etishmadi.  

32. Zarba!  Lukaku faollik namoyish etib, kurashga kirishdi, "Yuve" himoyachilarining qarshiligidan so'ng to'p Lautaroga etib keldi, uning zarbasi xavfli, ammo noaniq chiqdi.  

29. Remzi o'ngdan ichkariga pas uzatdi, Morata de Vreyni ortda qoldirib, bosh bilan Ronalduni to'p bilan taminlashni istadi, ammo Xakimi bunga qarshilik qildi.

28. Frabotta bilan to'qnashgan Barellaga tibbiy yordam ko'rsatildi. 

27. Remzi chap qanotdan havolatib pas berdi, to'p markazdagi Ronalduga qadar etib bormadi, himoyachilar xavfni bartaraf etishdi.  

26. Vidal Ronalduga nisbatan juda qo'pol o'ynadi, standart vaziyat.  

23. Zarbaaaa!  Lukakuning aylantirma zarbasini SHensni qaytardi! Ajoyib seyv!  Posbondan qaytgan to'pga Lautaro ega chiqdi va ancha noaniq zarbani ijro etdi. 

21. Martines chap qanotga o'tdi va Yangdan pas qabul qildi. Keyingi holatda xorvatiyalik o'yinchi Brozovichning zarbasi o'zi xohlagandek chiqmadi.  

19. Yang chap qanotda burchak to'pi ishladi.  U Brozovich bilan o'ynadi, uning ichkariga tepgan to'pini sa SHensni ilib oldi. 

18. Barella Lukakuni pas bilan taminladi, Romelu esa to'pni sal orqaroqqa Brozovichga uzatdi, uning zarbasi yo'liga Kellini to'g'anoq bo'ldi. 

16. Ronaldu-Morata kombinaciyasi Alvaroning noaniq harakati tufayli muvaffaqiyatsizlikka uchradi. 

15. Zarbaaa!  Arturo Vidal bu gal ham faollik ko'rsatdi, ammo zarbasi o'xshamadi. 

15. "Inter" gol ur