O'zbekiston kubogida hakamlar qanday ishladi? Rossiyalik sobiq hakamning tahlili

"Bunyodkor" - "Lokomotiv"

VIDEO

Mening va hamkasblarimning fikricha, gol aniq holda urildi. To'p kiritgan "Lokomotiv" futbolchisi raqib salomatligiga xavf tug'diradigan harakat amalga oshirmagan. Himoyachining to'p uchun kurashga kirishishda kechikkani yaqqol namoyon bo'lgan. Qolaversa, himoyachi ham o'zi uchun xavfli harakat qildi: u to'pga teginish uchun boshini pastga egdi. Gol to'g'ri hisobga olingan.

"Bunyodkor" - "Lokomotiv"

VIDEO

Agar to'qnashuvning jiddiy oqibatlari bo'lmasa, u holda hakamning qarorini qo'llab-quvvatlash mumkin. O'yinchi to'p uchun o'ynashga harakat qildi, lekin xavfli ravishda oyog'ini ko'tardi va u raqibning yuziga tegdi. Biroq himoyachining harakatida tezlik yuqori emas, shuningdek, raqibga to'g'ridan-to'g'ri zarba berilgani yo'q. Umuman olganda, hakamning qarori qonuniy. Bu holat to'g'ridan-to'g'ri chetlatish emas, balki ikkinchi sariq kartochkaga asos bo'ladi.

"Olimpik" – "Navbahor"

VIDEO

“Navbahor” ustozi hakamning qaroridan noroziligini imo-ishoralari va so'zlari bilan bildirmoqda, bu harakat kamida sariq kartochkaga loyiq. Agar hakam to'g'ridan-to'g'ri haqorat qilingan bo'lsa, bu qizil kartochka degani, biroq biz translyaciya orqali nima gap-so'zlar bo'lganini tushuna olmaymiz.

"Olimpik" – "Navbahor"

VIDEO

“Navbahor”ning jarima maydonchasida raqib futbolchisining oyog'iga teginish bo'lsa, bu juda yuzaki harakat hisoblanadi. Bu vaziyatda futbolchi faqat o'z xohishi bilan yiqildi, yani oyoqni yig'ib oladigan ajoyib simulyaciya sodir etildi. Bu harakatlari bilan “Olimpik” futbolchisi hakamni aldamoqchi bo'ldi va sportchiga xos bo'lmagan xatti-harakati uchun sariq kartochkaga loyiq edi. Hakam bu erda sariq kartochka ko'rsatmay xatoga yo'l qo'ydi.

AGMK – "Metallurg"

VIDEO

AGMK futbolchisi telbalarcha harakat qiladi - u raqibga jarohat etkazib qo'yish haqida o'ylamadi hamda xavfli podkat tashladi. Sariq kartochka to'g'ri ko'rsatilgan, chetlatish haqida esa gap-so'z bo'lishi mumkin emas. Qizil kartochkaga tortadigan hech qanday mezon ko'rinmagan.

AGMK – "Metallurg"

VIDEO

Penalti belgilash uchun asoslar bor edi, chunki "Metallurg" himoyachisi qo'li bilan raqibning ortidan ochiqchasiga tegindi. Biroq bu imkoniyat malum chegaraga ega va bunda ko'p narsa hakamning qaror qabul qilishiga bog'liq. Agar hakam butun o'yin davomida shunday epizodlarda o'yinni davom ettirishga ruxsat bergan bo'lsa, uning qaroriga qo'shilish mumkin. Albatta, bu vaziyatda raqibga teginish harakati sodir etildi. Ammo bunday vaziyatda hakam ushbu qoidabuzarlikning darajasini baholaydi. AGMK futbolchisi raqib futbolchisining teginishi natijasida yiqildimi yoki ortida raqibning qo'li borligini his qilib, o'z ixtiyori bilan chiroyli yiqilish sanatini amalga oshirdimi? Rossiyada bunday vaziyatlar boshqacha baholanadi, ammo yaqinda bizning hakamlarimizga oddiy teginishlar uchun hushtakbozlik qilmaslik tavsiya qilindi.