Superliga. "Paxtakor" Namanganda qachon yutqazgandi?

Mazkur jamoalar ligada bugunga qadar jami 63 marta to'qnashishgan. Ulardan 39 tasida "Paxtakor", 13 tasida "Navbahor"ning qo'li baland kelgan bo'lsa, qolgan bahslarda murosa ko'chasi tanlangan. To'plar nisbatidagi ustunlik ham poytaxt grandi foydasiga (+56).

O'zaro o'yinlar tarixidagi eng yaxshi to'purar afsonaviy Aleksandr Geynrix hisoblanadi. U namanganliklar darvozasiga 9 marta yo'l topgan. Ertaga maydonga tushadigan futbolchilar orasidagi eng yaxshi natija Dragan CHeranga tegishli (6).

"Navbahor" "Paxtakor" ustidan so'nggi marta 2018 yilgi mavsumda zafar quchgan edi (o'z maydonida). Navaf SHukrulla boshqargan bahs taqdirini Golbanning yagona goli hal qilgan.

SHundan keyin o'tkazilgan 9 o'yinning 4 tasida "sherlar"ning qo'li baland kelgan bo'lsa, 5 ta uchrashuv durang bilan tugadi. Nima deb o'ylaysiz, mezbonlarning g'alabasiz seriyasi ertaga tugaydimi?