Abdusamad Do'rmonov: "Mavsumning oxirida futbolchilarda charchoq alomatlari kuzatiladi"

"Qiyin o'yin bo'ldi. Qiyin deganimning sababi bizda futbolchilarning tiklanish jarayonidagi muammolar bilan bog'liq. Ikki kun oldin o'zlaring guvoh bo'ldinglar, "SHo'rtan" bilan og'ir o'yin o'tkazgandik. Bugun yigitlarda charchoq alomatlari kuzatildi.

Bu kabi o'yinlarda qanday o'ynashni bilish kerak. Harakat qildik, lekin bugun bo'lmadi. Oldimizda oxirgi tur kutib turibdi, astoydil harakat qilgan xolda tayyor bo'lamiz degan umiddaman.

Hali imkoniyatimiz bor, o'tgan gal ham aytgandim, oldinda yana o'yinimiz bor. Bugun biz o'yinlar orasidagi vaqt ozligi uchun to'liq tiklanishga ulgurmadik. Boshqa jamoalarda 4-5 kun dam olish uchun fursat bor edi, bizda o'yinlar orasidagi vaqt oz. Bundan tashqari ozgina omad ham etishmadi.

Noyabr oyi, mavsum yakuni bo'lgani uchun futbolchilarda tabiiy xolda charchoq bo'ladi. Navbatdagi turga yaxshi tayyorgarlik ko'rib oldimizdagi vazifani bajaramiz degan umiddaman" - deydi "Neftchi" bosh murabbiyi.

Bekzod Tolibov yozib oldi