O'yin haqida
"So'nggi matbuot anjumanida ham aytganimdek, hozirda qiyin vaziyatdamiz. Yigitlar ham buni tushunib turgandi. Ularning fikrlashini tubdan o'zgartirishimiz talab etilardi. Tezkor hujum va standart vaziyatlardan samara chiqara oldik. Buni raqibni o'rganish chog'ida futbolchilarga aytgandik. Xatolarimiz yo'q emas. Eng muhimi, g'alaba qozondik. Qaysidir vaziyat o'xshadi, qaysidir biri o'xshamadi. Oldinga intilishda davom etamiz",- deydi Vladimir Ejurov.
- Jamoada penaltini tepadigan futbolchi bormi?
- SHahzod Ubaydullaev penaltilarni ijro etayotgandi. Lekin so'nggi o'yinlardagi omadsizlikdan so'ng bugun Abror Ismoilov penaltini tepishga qaror qildi. Abror Ismoilovdagi vaziyat futbolda bo'lib turadi. U jamoaning etakchilaridan biri. Bu borada mashg'ulotlarda yana izlanamiz.
- O'yinda yakuniy qarorni kim qabul qilyapti? Jamoada bosh murabbiy kim?
- Bosh murabbiy Vitaliy Levchenko. Mening vazifam unga yordam berish.
- "Neftchi" tarkibida debyutini o'tkazgan Nodirxon Nematxonovning o'yinini qanday baholaysiz?
- Nematxonov dastlabki o'yinini o'tkazdi. To'g'ri, unga tajriba etishmayapti. Bu tabiiy holat. Unga etarlicha imkoniyat beryapmiz. Bu katta masuliyat talab qiladi. Nodirxon tezkor futbolchi. Uning yorqin kelajagi borligi shubhasiz.
Qizil kartochkalarga kelsak, murabbiylar shtabi bu borada ishlaydi. Ishlashda davom etsak, g'alabalar hali ko'p bo'ladi.
Bizda tajribali va teng kuchli darvozabonlar bor. Yo'lga qo'yilgan kamchiliklarni tahlil qilamiz. O'ylaymanki, futbolchilarimiz navbatdagi uchrashuvlarda bunday xatolarga yo'l qo'yishmaydi. Hali qiladigan ishlarimiz ko'p. Barcha jamoa xato qilishi mumkin", dedi Ejurov.
Bosh sahifaga
94