- O'yin haqida
- Ikki jamoa ham o'yin nazoratini qo'lga olishga urindi. Etarlicha imkoniyatlarga ega bo'ldik. 3 ochko olishimiz mumkin edi, biroq to'p darvozaga kirmasa, g'alaba qozonib bo'lmaydi.
Futbolchilarimizning o'yinga bo'lgan munosabatidan xursandman. Bugungi bahsdan keyin 3-4 kun dam olamiz. O'ylaymanki, bu foyda keltiradi.
- Birinchi taymda faolligi bilan ajralib turgan Abror Toshqo'zievning kutilmaganda ikkinchi taymda almashtirilganini nima bilan izohlaysiz?
- Abror Toshqo'ziev jarohat olgani uchun almashtirishga majbur bo'ldik.
- Bektemir Abdumannonov ikki o'yindan buyon faol o'yin ko'rsatmoqda va charchab ulgurmasdan, zaxiraga olinmoqda. Bu nima bilan bog'liq?
- CHarchagan-charchamaganini qaerdan bilyapsizlar? Umuman olganda, Bektemir ajoyib o'yin ko'rsatmoqda. Uni o'zgartirishga qaror qildik, bor gap shu.
- Oldinda "Metallurg"ni ketma-ket 3 ta kuchli jamoaga qarshi o'yinlar kutib turibdi – bular "Paxtakor", "So'g'diyona" va "Qizilqum". Jarohat olgan futbolchilar ungacha jarohatdan qutulishadimi?
- Yuqorida aytib o'tganimdek, bugungi o'yindan keyingi dam olish kunlari ko'p o'yinchilarimizga foyda keltiradi.
Jarohatlanganlar sekin-asta safga qaytmoqda. Jumladan, Behruz SHodmonov ham tez orada safga qaytadi.
O'ylashimcha, avgust oyida juda yaxshi ishtirok etib, 7 ochko ishladik va turnir jadvalida yaxshi pog'onani egallab turibmiz.
Bosh sahifaga
94