Futbolchi ushbu mavsumni shu jamoada o'tkazishi kutilmoqda. "Navbahor" bilan kechgan ikkinchi o'rtoqlik uchrashuvidan so'ng iqtidorli posbonga bir nechta savollar bilan yuzlandik.
- "Andijon"dan tushgan taklifni qabul qildingiz? Jamoani o'zgartirish fikri qachon tug'ildi?
- Yangi jamoaga o'tish fikri menda anchadan beri bor edi. Superliga jamoalarida o'zimni sinab ko'rish vaqti keldi deb o'ylayman. Bu jamoada yuqori darajada o'yin ko'rsatishga harakat qilaman.
- "Burgutlar" safiga qo'shilishingizda Otabek G'ulomxo'jaevning ham o'rni bormi?
- Taklif klub rahbarlari va bosh murabbiy Otabek G'ulomxo'jaevdan keldi. Ularning chorlovini javobsiz qoldira olmadim. Otabek aka bilan ishlash har doim maroqli bo'lgan deya olaman. Mashg'ulotlarida proffessionallik yuqori bo'ladi.
- Sizning yoshingizda zaxirada o'tirish to'g'ri kelmaydi. Bu erda esa o'yin amaliyotiga ega bo'lishingiz uchun juda qulay imkoniyat bor...
- Ha, gapingiz mutlaqo to'g'ri. "Andijon"da ham raqobat kuchli. O'yin amaliyotiga ega bo'lish uchun o'z ustimda ishlashdan va harakatdan to'xtayotganim yo'q. O'zimni ko'rsatishga va muxlislar etiboriga tushishga intilmoqdaman.
- Ortda qolgan o'rtoqlik uchrashuvlaridan qanday xulosalar chiqarildi? Deylik dastlabki o'yin "Turon" bilan haqida to'xtalib o'tsangiz...
- "Turon" bilan o'yin mag'lubiyatga uchragan bo'lsakda munosib to'p tepdik. Odatda tanaffusdan so'ng futbolchilarning sport formasiga qaytishi qiyin kechadi. Buning uchun vaqt kerak.
- "Navbahor"ga qarshi bahsda vodiy derbisini ko'rdik, jamoa tarkibi yosh bo'lishiga qaramasdan futbolchilar oxirgi daqiqaga kurashdi...
- Hozirda jamoamizda yoshlarga etibor kuchaytirilmoqda. Biz to'g'ri yo'ldan ketmoqdamiz deb o'ylayman. Amalga oshirilayotgan ishlar o'z samarasini berishiga aminman. Yangi mavsumda yangi maqsadlar bilan muxlislarning ishonchini qozonamiz va oldimizdagi vazifani bajaramiz.
- Ko'p futbolchilar kuchliroq klublarga yo'l olish uchun o'zlari uchun tramplin bo'ladigan jamoalarga o'tishadi. "Andijon" ham siz uchun tramplin vazifasini bajaradimi?
- Menimcha boshqa jamoalar haqida gapirishga hali erta. Men hozirda "Andijon" futbolchisiman. Nasib qilsa birinchi galda yorqin o'yinlarimni ko'rsatishga bor kuchimni beraman. Abdulaziz Iskandarov yozib oldi.
Bosh sahifaga
282